முறையிடுகிறது என்ன? சொல்! 
WHY CRY? SPEAK! 


59-1004E

ஞாயிற்றுக்கிழமை மாலை,      அக்டோபர் 4, 1959

விசுவாச சபை, கிளார்க்ஸ்வில், இந்தியானா, அமெரிக்கா



சகோ.வில்லியம் பிரன்ஹாம் 
   
   

முறையிடுகிறது என்ன? சொல்! (59-1004E)

   
      ... கர்த்தருடைய ஆலயத்தில். இங்கே இருப்பதும், நம் தேவனாகிய கர்த்தரின் சேவையில் இருப்பதும் மிகவும் நல்லது. 
   2 இப்பொழுது, சபைக்கு வருவது எனக்கு எப்போதுமே ஒரு பாக்கியமாகும், ஆனால் இங்கே சகோதரர் ஜூனியின் சபைக்கு வருவது இன்னும் கொஞ்சம் கூடுதல் பாக்கியமாக இருக்கிறது. நான் சகோதரர் ஜூனியரைச் சிறிது காலமாக அறிவேன். அவர் இந்த நல்ல பழைய சுவிசேஷ வழியில் பிரவேசித்து, வெளியே சென்று வார்த்தையைப் பிரசங்கிப்பதைக் காண நான் மிகவும் மகிழ்ச்சியடைந்தேன். கர்த்தர் அவரை ஆசீர்வதிப்பதையும், மக்கள் அனைவரும் அவரைக் கனப்படுத்துவதையும் காண்பது, மிகவும் அற்புதமாக இருக்கிறது.
    3 இப்பொழுது, இன்று காலை நீண்ட தூரம் பயணம் செய்து இங்கு வந்த சிலர், ஒருவேளை நாளை வேலைக்குச் செல்வதற்காக, பல மைல்கள் கடந்து ஒஹையோவுக்கு இன்றிரவே திரும்பிச் செல்ல வேண்டும் என்பதை நான் அறிவேன். அல்லது ஒஹையோவின் மேல் பகுதிக்கு என்று சொல்ல வந்தேன். என் திசைகளை நான் சற்று மறந்துவிட்டேன்; ஒஹையோவின் மேல் பகுதிக்கு.
    4 மேலும் இன்றிரவு நாம் ஒரு ஜெப வரிசையை நடத்துவோம் என்று வாக்களித் திருந்தோம். எனவே, உங்களை அதிக நேரம் காக்க வைக்க நாங்கள் விரும்பவில்லை. வெக்கையாக இருக்கிறது. அதன்பிறகு நம்முடைய ஜெப வரிசைக்காக. ஆனால் நீங்கள் பாடியதாலும், நீங்கள் செய்த மற்ற எல்லாவற்றாலும் ஏற்கனவே ஆசீர்வதிக்கப் பட்டிருக்கிறீர்கள் என்பதை நாங்கள் அறிவோம். இது உங்களுக்காக ஆசீர்வதிக்கப்பட்டிருக்கிறது. கர்த்தர் தொடர்ந்து நம்முடன் இருந்து, நம்மை ஆசீர்வதித்து, நம் இருதயத்தின் விருப்பத்தை வழங்குவார் என்று இப்போது தேவனை நம்புகிறோம். இப்பொழுது நீங்கள் உங்களிட முள்ள அனைத்தையும், உங்கள் முழு கவனத்தையும், உங்களால் முடிந்த முழு நேர்மையையும் உண்மையையும் ஆராதனையில் செலுத்தியிருக்கிறீர்கள். மேலும் இன்றிரவு ஆராதனைக்காக நான் இன்று மதியம் முழுவதும் ஜெபத்தில் இருந்தேன்.
    5 மேலும், இப்போது, நான் விரைவில் திரும்பி வந்து மீண்டும் உங்களுடன் இருப்பேன் என்று நம்புகிறேன். நீங்களும் எல்லாரும் வந்து மேலேயுள்ள கூடாரத்தில் எங்களைச் சந்தியுங்கள். இந்தச் சிறிய சபை கூடாரத்தின் சகோதரி சபை என்று நாங்கள் கருதுகிறோம். அது அப்படித்தான் இருக்கிறது. இது கூடாரத்தின் ஒரு சிறிய சகோதரி சபைதான். இதுவும், மேலே சகோதரர் கிரஹாம் சபையும், மற்றும் சுற்றியுள்ளவைகளும். ஆகவே இன்றிரவு நமது சிறிய சகோதரியைச் சந்திப்பதில் நாங்கள் மகிழ்ச்சியடைகிறோம். மேலும், இந்தச் சிறிய சகோதரி வளர்ந்து, வளர்ந்து, வளர்ந்து ஒரு பெரிய சீமாட்டியாக மாறுவாள் என்று நாங்கள் நம்புகிறோம். கர்த்தருடைய கிருபையினாலும் உதவியினாலும் அவள் அப்படியாவாள் என்று நான் நம்புகிறேன்.
    6 பவுல் தீமோத்தேயுவிடம் கூறியதுபோல, "சமயத்திலும் அசமயத்திலும் ஜாக்கிரதையாயிரு; எல்லா நீடிய சாந்தத்தோடும் உபதேசத்தோடும் கண்டனம்பண்ணி, கடிந்துகொண்டு, புத்தி சொல்லு. ஏனென்றால், அவர்கள் ஆரோக் கியமான உபதேசத்தைப் பொறுக்க மனதில்லாமல், செவித்தினவுள்ளவர்களாகி, தங்கள் சுய இச்சைகளுக்கேற்ற போதகர்களைத் தங்களுக்குத் திரளாகச் சேர்த்துக்கொள்ளுங்காலம் வரும்..."
    7 ஆகவே, தேவன் நம்மோடிருப்பது மிகப்பெரிய காரியங்களில் ஒன்று என்பதை நாம் அறிந்திருக்கிறோம். நான் இன்று மதியம் அறையில் ஜெபித்துக்கொண்டிருந்தேன். "நீங்கள் இரட்சிக்கப்பட்டிருக்கிறீர்கள் என்பதை அறிவ தைக் காட்டிலும் பெரிய காரியம் என்ன இருக்க முடியும்?" என்று நான் நினைத்தேன். இப்போது அதைவிடப் பெரியது என்னவாக இருக்கும் என்று என்னிடம் சொல்லுங்கள்.
    8 நான் என் நண்பரான சகோதரர் எவன்ஸிடம் சொன்னேன். நான் சொன்னேன், "சகோதரர் எவன்ஸ், என்னிடம் அழுத்துவதற்கு ஒரு சிறிய பொத்தான் (button) இருந்து, அதை நான் அழுத்தினால் இருபது வயதுக்குத் திரும்பி, பத்தாயிரம் ஆண்டுகள் இருபது வயதாகவே இருந்து, பூமியெங்கும் ராஜாவாக இருந்து, ஒருபோதும் சிறிதும் வயதாகாமல் அதே வயதிலேயே இருந்து; உலகில் உள்ள அனைத்தையும் என் சொந்த கைகளிலேயே வைத்துக்கொண்டு, பத்தாயிரம் ஆண்டுகள் ஆடம்பரமாக வாழ்ந்து, பின்னர் அந்த பத்தாயிரம் ஆண்டுகளின் முடிவில் நித்திய அழிவை அடைவது. அல்லது, மற்றொரு பொத்தானை அழுத்தி, நித்திய ஜீவனோடு உடனடியாக இறப்பது." நான் சொன்னேன், "நான் நித்திய ஜீவனுக்கான பொத்தானைத்தான் அழுத்துவேன், இரண்டாவது முறை யோசிக்கக்கூட மாட்டேன். ஏனென்றால் ஒருவேளை..."
    9 அப்போது அவர் திரும்பி, "சரியாகச் சொன்னீர்கள். நாம் பத்தாயிரம் ஆண்டுகள் வாழ்ந்து, இன்றிரவு எட்டு அல்லது ஒன்பது மணிக்கு நம்முடைய பத்தாயிரம் ஆண்டுகள் முடிவடைந்துவிட்டால் என்ன ஆவது?" என்றார். அதுதான் விஷயம்.
    10 எனவே நித்திய ஜீவனை விடப் பெரியது எதுவுமில்லை. அது நம் அனைவருக்கும் உரியது. "விருப்பமுள்ளவன் எவனும் வரலாம்."
    11 இப்பொழுது, ஒரு மனிதன் பாவியாக இருப்பதாலோ, அவன் பாவியாகப் பிறந்ததாலோ தேவன் அவனைக் குற்றவா ளியாகத் தீர்க்கப்போவதில்லை. ஆனால் தேவன் எதற்காக ஒரு மனிதனைக் குற்றவாளியாகத் தீர்க்கப் போகிறார் என்றால், அவன் தொடர்ந்து பாவியாகவே நிலைத்திருப்பதால்தான். அவன் பாவியாகவே நிலைத்திருக்க வேண்டியதில்லை, ஏனென்றால் இயேசு கிறிஸ்துவின் மூலமாக அவனுடைய நீதிமானாக்கப்படுதலுக்காக ஒரு ஏற்பாடு செய்யப்பட்டிருக்கிறது. ஆகவே, நாம் நம்புகிறோம், இன்றிரவு உள்ளேயோ அல்லது வெளியேயோ, இதுவரை கிறிஸ்துவை ஏற்றுக்கொள்ளாத எவரேனும் இருந்தால், உங்களுக்குக் கிறிஸ்து தேவை என்பதை நீங்கள் உணர்ந்துகொள்ளும் அளவுக்கு உங்களை விழிக்கச் செய்யும் ஏதோ ஒன்று சொல்லப்படும் அல்லது செய்யப்படும் இரவாக இந்த இரவு அமையும் என்று.
    12 மேலும், நீங்கள் அவரை உங்கள் தனிப்பட்ட இரட்சகராக ஏற்றுக்கொண்டு, இதுவரை பரிசுத்த ஆவியானவரைப் பெறாமல் இருந்தால், இன்றிரவு நீங்கள் அவரைப் பெறுவீர்கள் என்று நான் நம்புகிறேன்.
    13 கூடாரத்தைச் சேர்ந்த சிலர் இங்கே இருப்பதைக் காண்கிறேன். பெரிய சகோதரியைப் பற்றி நான் இதைச் சொல்லப் போகிறேன். காண்கிறீர்களா? ஜெஃப்பில் உள்ள நமது சபையான கூடாரத்திற்குத் தேவைப்படும் ஒரு காரியம், ஒரு மறு-அர்ப்பணிப்பும், பரிசுத்த ஆவியானவரால் மறுபடியும் நிரப்பப்படுதலுமே ஆகும். சரிதான். ஒவ்வொருவரும் பலிபீடத்தின் அருகே முழங்கால்படியிட்டு, பரிசுத்த ஆவியானவரின் புதுப்பித்தலைப் பெறும்வரை ஜெபிக்க வேண்டும், சபை முழுமையாக தேவனுடைய வல்லமையால் நிரப்பப்பட வேண்டும், அதுதான் நமக்குத் தேவை. அங்கே உள்ள கூடாரத்திற்கு மட்டுமன்றி, அகில உலகத்திலுமுள்ள கிறிஸ்துவின் சரீரம் முழுவதுமே மறுபடியும் நிரப்பப்பட வேண்டிய அவசியம் உள்ளது. நான் விரும்புகிறேன்...
    14 ஒருநாள் தாவீது சொன்னார், "உமது இரட்சிப்பின் சந்தோஷத்தை எனக்குத் திரும்பத் தாரும்." அவர் தன்னுடைய இரட்சிப்பை இழக்கவில்லை, ஆனால் அதிலிருந்த சந்தோஷத்தை இழந்துவிட்டார். நான் என்னுடைய மார்க்கத்தை, என்னுடைய இரட்சிப்பை அனுபவித்து மகிழ முடியாத ஒரு நிலைமை வரும்போது, எங்கேயோ ஏதோ தவறு இருக்கிறது என்று அர்த்தம், ஏனென்றால், அது சொல்லொணாததும் மகிமை நிறைந்ததுமான சந்தோஷமாகும்." அவர்களில் ஒருவர் கூறினார், "கர்த்தர் நல்லவர் என்பதை ருசித்துப்பாருங்கள். அது கன்மலையிலிருந்து வடியும் தேனைப் போல ருசிக்கிறது." ஓ, நான் அதை ருசித்துப் பார்த்திருக்கிறேன் என்பதில் மிகவும் மகிழ்ச்சியடைகிறேன். கர்த்தர் நல்லவர். எனக்குத் தேன் மிகவும் பிடிக்கும், ஆனால் அதைப் போன்ற ஒன்றை நான் ஒருபோதும் ருசித்ததில்லை. எனக்குத் தெரிந்த மிகச் சிறந்தது அதுதான்.
    15 இப்போது நாம் சீக்கிரமாகவே ஆராத னைக்குள் செல்லப்போகிறோம், மேலும் மக்கள் நாளை தங்கள் இடங்களுக்கும், ஆராத னைக்கோ, வேலைக்கோ அல்லது தங்கள் வீடுகளுக்கோ செல்வதற்காக சபையை சீக்கிரமாகவே அனுப்பிவிட முடியுமா என்று பார்ப்போம்.
    16 மேலும் இப்போது நாங்கள் மேற்குக் கடற்கரையில் ஒரு பெரிய கூட்டத்தை மிக விரைவில் எதிர்பார்த்துக் கொண்டிருக்கிறோம். எனக்காக ஜெபிக்கும்படி இந்தச் சபையினரையும் இந்த மக்களாகிய அனைவரின் ஜெபங்களையும் நாங்கள் கேட்டு மன்றாடுகிறோம்.
    17 இன்று காலை ஏதோ ஒன்று நிகழ்ந்தது. தேவன் எனக்காக விசேஷமாக ஏதேனும் செய்யாவிட்டால், நான் எப்போதாவது ஒரு சிறிய சபைக்குச் சென்றது கிடையாது. நான் அதை மிகவும் நேசிக்கிறேன். இன்று காலை, நான் பிரசங்கத்தை மிகவும் நேர்த்தியாக முடித்த பிறகு, பரிசுத்த ஆவியானவர் நம் மத்தியில் இறங்கி சகோதரர் ஜாக்சனுக்கு ஒரு செய்தியைக் கொடுத்தார், அது இன்று மதியம் முழுவதும் என் மனதிலேயே நிலைத்திருந்தது. உண்மையாகச் சொல்லப்போனால், நான் அந்த ஒலிநாடாவை வாங்கப் போகிறேன், அதனால் நான் அதைத் திரும்பத் திரும்ப ஒலிக்கவிட்டு அதைப் புரிந்துகொள்ள முடியும். ஏனென்றால், சமீபகாலமாக, நான் உணர்ந்து வருகிறேன்... இங்கே என் மனைவிக்குத் தெரியும். கர்த்தர் ஏதோ ஒரு வழியில் மிக விரைவில் என்னைச் சந்திக்கப் போகிறார் என்று நான் அவளிடம் சொல்லிக்கொண்டிருந்தேன். ஒருவேளை அது இன்று காலை வந்த அந்தச் செய்தியாக இருக்கலாம், ஏனென்றால் அது எனக்கு ஒரு வித்தியாசமான கண்ணோட்டத்தைக் கொடுத்தது. நான் சில நிமிடங்களுக்குப் பேச விரும்பும் ஒரு வேதப்பகுதியை அது எனக்குக் கொடுத்தது.
    18 நான் இப்போது யாத்திராகமம் புஸ்தகம், 14-ஆம் அதிகாரம் 15-ஆம் வசனத்திலிருந்து வாசிக்க விரும்புகிறேன்.
   அப்பொழுது கர்த்தர் மோசேயை நோக்கி: நீ என்னிடத்தில் முறையிடுகிறது என்ன? புறப்பட்டுப் போங்கள் என்று இஸ்ரவேல் புத்திரருக்குச் சொல்லு.
    19 நான் 16-ம் வசனத்தையும் வாசிக்கலாமா. 
   நீ உன் கோலை ஓங்கி, உன் கையைச் சமுத்திரத்தின்மேல் நீட்டி, சமுத்திரத்தைப் பிளந்துவிடு; அப்பொழுது இஸ்ரவேல் புத்திரர் சமுத்திரத்தின் நடுவாக வெட்டாந்தரையிலே நடந்துபோவார்கள்.
    20 கர்த்தர் தமது வார்த்தையின் வாசிப்பை ஆசீர்வதிப்பாராக.
    21 இப்போது ஜெபத்திற்காக நாம் ஒரு கணம் நம்முடைய தலைகளைத் தாழ்த்துவோம். இந்த ஜெபத்தில் தங்களை நினைவுகூர விரும்பும் மக்கள் யாராவது இங்கே இருந்தால், நீங்கள் ஒரு கையை உயர்த்துவதன் மூலம் அதை தேவனுக்குத் தெரியப்படுத்துங்கள். கர்த்தர் உங்கள் விருப்பத்தை உங்களுக்குத் தந்தருளுவார்.
    22 ஆண்டவரே, நாங்கள் இப்போது பயபக்தியோடும், மரியாதையோடும், குழந்தை களைப் போலவும், ஜெபத்தின் பரிசுத்த பூமியில் நடக்கிறோம். எங்களுக்கு முன்பாக நியமிக்கப் பட்டிருக்கிற ஓட்டத்தில் நாங்கள் பொறுமை யோடு ஓடும்படிக்கு, எங்களை மிக எளிதாகச் சிக்கவைக்கும் ஒவ்வொரு பாரத்தையும், ஒவ்வொரு பாவத்தையும், ஒவ்வொரு எண்ணத்தையும் நாங்கள் தள்ளிவிடுகிறோம். "என் நாமத்தினாலே நீங்கள் பிதாவைக் கேட்டுக்கொள்வது எதுவோ அதை நான் செய்வேன்" என்று இயேசு சொன்னதை அறிந்து, இந்த ஆசீர்வதிக்கப்பட்ட, பரிசுத்தமான ஜெபத்தின் மணலுக்குள் நாங்கள் நுழைகிறோம். மீண்டும் எழுதப்பட்டிருக்கிறது, "நீங்கள் என்னிலும், என் வார்த்தைகள் உங்களிலும் நிலைத்திருந்தால், நீங்கள் கேட்டுக் கொள்வ தெதுவோ அது உங்களுக்குச் செய்யப்படும்."
    23 ஆதலால் நாங்கள் வருகிறோம், ஆண்டவரே, இந்தச் சிறிய சபையின் நாமத்திலோ, அல்லது நாங்கள் அவர்களை நேசித்தாலும் அதனுடைய போதகரின் நாமத்திலோ அல்ல, அல்லது எங்களுடைய சொந்த நாமத்திலோ அல்ல, ஏனென்றால் அதன் மூலமாக அளிப்பதற்கு எங்களிடம் ஒன்றுமில்லை. ஆனால், அவருடைய நாமத்தில் நாங்கள் கேட்டால், நாங்கள் எதைக் கேட்டாலும் அதைப் பெற்றுக்கொள்ளலாம் என்று எங்களுக்கு வாக்குத்தத்தம் அளித்த கர்த்தராகிய இயேசுவின் அந்த சர்வ வல்லமையுள்ள நாமத்தில் நாங்கள் வருகிறோம்.
    24 மேலும் ஒரு கட்டுக் கதையாக இருக்கும் எதையும் கேட்க நாங்கள் விரும்பவில்லை. உமக்கு உகந்ததாக இருக்கும் காரியங்களை மட்டுமே நாங்கள் கேட்க விரும்புகிறோம். எங்கள் நிலைமைகளை நீர் அறிவீர். எங்களுக்கு என்ன தேவையென்று நீர் அறிவீர். இந்தச் சிறிய சபைக்கு என்ன தேவையென்றும், ஒவ்வொரு தனிநபருக்கும் என்ன தேவையென்றும் நீர் அறிவீர். தேவனாகிய கர்த்தாவே, எங்களுக்குத் தேவையானபடி, தனித்தனியாக எங்களுக்குத் தரவேண்டும் என்று உம்மை வேண்டிக் கொள்கிறோம். மகா பரிசுத்த ஆவியானவர் இந்தக் கட்டடத்தின் மீதும் இந்த மக்களின் சுற்றிலும் இறங்கி வந்து, இந்தக் கூட்டத்தைப் பரிசுத்தப்படுத்துவாராக, அதனால் இன்றிரவு, இங்கே உள்ள மிகச்சிறிய குழந்தைகள் முதல் வயதானவர்கள் வரை, ஒவ்வொரு இருதயத்தின் வழியாகவும் பரிசுத்த ஆவியானவர் தடையின்றிச் செயல்பட முடியும். அதை அருளுங்கள் ஆண்டவரே.
    25 உயர்த்தப்பட்ட இந்தக் கைகளை, நீர் நிச்சயமாகப் பார்த்திருக்கிறீர், ஆண்டவரே. உமக்குத் தெரியாமல் ஒரு சிட்டுக்குருவி வீதியில் விழமுடியாது என்றால், உம்முடைய பிள்ளை ஒருவன் அப்பத்திற்காகத் தன் கையைப் பரலோகத்திற்கு நேராக உயர்த்தும்போது அதை நீர் எவ்வளவு அதிகமாய் அறிவீர். அதற்குப் பதிலாக அது ஒரு கல்லைப் பெறாது என்று எங்களுக்கு வாக்குத்தத்தம் அளிக்கப்பட்டுள்ளது. அவர்கள் கேட்கும் அப்பத்தை நீர் அவர்களுக்குக் கொடுப்பீர் என்பதை நாங்கள் அறிவோம். வியாதியுள்ளவர்களையும் துன்பப் படுகிறவர்களையும் நினைவுகூரும்படி நாங்கள் கேட்டுக்கொள்கிறோம்.
    26 சகோதரர் ரோஜர்ஸிடமிருந்து, வேலைக்குச் செல்லும் அளவுக்குத் தான் நலமாக இருப்பதாக அவர் சொன்னதைக் கேட்பதில் மிகவும் மகிழ்ச்சி. அதற்காக நாங்கள் மிகவும் மகிழ்ச்சியடைகிறோம், ஆண்டவரே. நீர் அவரைக் குணப்படுத்த வேண்டும் என்றும், அந்தப் புற்றுநோய்க்கு அதிகாரம் இருக்கக்கூடாது என்றும், ஆனால் அது கர்த்தராகிய இயேசுவின் இரத்தத்தினால் தடுத்து நிறுத்தப்பட வேண்டும் என்றும் ஜெபிக்கிறோம். அந்த மரணப் புற்றுநோய்க்கும் எங்கள் சகோதரருக்கும் இடையே கர்த்தராகிய இயேசுவின் இரத்தத்தை விசுவாசத்தினால் நாங்கள் வைக்கிறோம்.
    27 இப்போது எங்கும் தேவையிலுள்ள அனைவருக்காகவும் நாங்கள் கேட்கிறோம். உமக்கே மகிமையைக் கொண்டுவாரும். நாங்கள் வாசித்தபடியே, உமது வார்த்தையைக் கனப்படுத்தும், ஆண்டவரே. எங்களுக்கு ஒரு சிறந்த குணமாக்கும் ஆராதனையைத் தாரும். தேவனுடைய மகிமைக்காக, கர்த்தராகிய இயேசுவின் நாமத்தில் இதைக் கேட்கிறோம். ஆமென்.
    28 இன்றிரவு ஒரு வேதப் பகுதிக்காக, நான் மூன்று வார்த்தைகளைப் பயன்படுத்த விரும்புகிறேன்: முறையிடுகிறது என்ன? சொல்! மேலும் ஒரு தலைப்பாக, "தேவனால் அபிஷேகம் பண்ணப்பட்டவர் மீதான மக்களின் மனப்பான்மை" என்பதைப் பயன்படுத்த விரும்புகிறேன், ஒரு குறுகிய நேரத்திற்கு, ஒருவேளை இருபது அல்லது முப்பது நிமிடங்கள், பிறகு நாம் ஜெப வரிசையைத் தொடங்குவோம்.
    29 தேவன் மோசேயை அழைத்திருந்தார், அது ஒரு விசேஷித்த அழைப்பு. தேவன் ஒரு மனிதனை அழைத்து ஒரு குறிப்பிட்ட பணிக்காக அவனை அபிஷேகம் செய்யும்போது, அந்த மனிதன் அதை எழுத்தின்படி (முழுமையாக) நிறைவேற்றுவார் என்று அவர் எதிர்பார்க்கிறார். தேவன் ஒரு மனிதனுக்கு ஒரு கட்டளையைக் கொடுத்துவிட்டு, அவன் அதைப்பற்றி தயக்கம் காட்டித் தயங்குவதை விரும்புவதில்லை. அவன் நேராக முன்னேறிச் சென்று, அவனுக்குக் கட்டளையிடப்பட்டதைச் சரியாகச் செய்ய வேண்டும் என்று அவர் விரும்புகிறார். வலதுபுறமோ இடதுபுறமோ பார்க்காதே, முன்னேறிச் செல்.
    30 மேலும் இஸ்ரவேல் மக்கள் சுமார் நானூறு ஆண்டுகளாக அடிமைத்தனத்தில் இருந்தார்கள், ஆனால் தேவன் அவர்களைச் சந்திப்பதாக வாக்குத்தத்தம் செய்திருந்தார். மேலும் தேவன் தாம் அளிக்கும் ஒவ்வொரு வாக்குத்தத்தத்தையும் காக்கிறார். அவரால் பொய் சொல்ல முடியாது. அவர் தேவன். இந்தச் சந்திப்புக்கான நேரம் வந்திருந்தது.
    31 இதற்கு இணையாக, தேவன் மீண்டும் திரும்புவார் என்று ஒரு வாக்குத்தத்தம் செய்திருக்கிறார் என்று இன்றிரவு நான் நம்புகிறேன். நாம் அந்த நேரத்தை நெருங்கியுள்ளோம் என்று நான் நம்புகிறேன். இன்று காலை, நான் அந்தத் தலைப்பைப் பற்றிப் பேசிக்கொண்டிருந்தபோது, கர்த்தராகிய இயேசுவின் நெருக்கத்தை உணர்த்தும் வகையில், ஒரு மின்சார ஓட்டத்தை என்னால் ஏறக்குறைய உணர முடிந்தது.
    32 இப்போது, மோசே இந்த நோக்கத்திற்காக அழைக்கப்பட்டார், ஆனால் அவர் ஒரு மனிதர். தேவன் அவரைப் பயன்படுத்த முடிவதற்கு முன்பு எண்பது ஆண்டுகள் அவரைப் பயிற்றுவித்தார்; அரண்மனையில் நாற்பது ஆண்டுகள் மற்றும் வனாந்திரத்தில் நாற்பது ஆண்டுகள்.
    33 ஒரு முப்பது நிமிட வேலைக்காக தேவன் ஒரு மனிதனுக்குப் பயிற்சியளிக்க நூறு ஆண்டுகளை எடுத்துக்கொள்ள முடியும். எப்படிப் பயிற்றுவிப்பது என்பது தேவனுக்குத் தெரியும்.
    34 பள்ளிகள் மோசேக்குள் நாற்பது ஆண்டுகளாகப் போட்டிருந்தவற்றை, வெளியே கொண்டுவர நாற்பது ஆண்டுகள் ஆனது. ஆனால் ஒரே ஒரு முறை அபிஷேகத்தின் சமூகத்தில், எரியும் முட்செடியின் சமூகத்தில் ஒரு முறை நின்றபோது, அவர் தனது எண்பது வருட வாழ்க்கையில் புத்தகங்களில் கற்றுக் கொண்டதை விட தேவனைப் பற்றி அதிகமாக அறிந்துகொண்டார்.
    35 தேவன் தம்முடைய மனிதர்களைப் பயிற்றுவிக்கிறார், பிறகு அவர்களை அபிஷேகம் செய்கிறார், அவர்களுக்கு அனுபவத்தைக் கொடுக்கிறார், சுட்டெரிக்கும் தண்டனையின் மணல் ஊடாக, கடுமையான பயிற்சியின் மூலம் அவர்களை அழைத்துச் சென்று, சோதித்து, பரீட்சை பார்க்கிறார். அவர் அதைத் தம்முடைய தீர்க்கதரிசிகளுக்குச் செய்வது மட்டுமல்ல, தம்முடைய பிள்ளைகளுக்கும் செய்கிறார். தேவனிடம் வருகிற "ஒவ்வொரு மகனும் கண்டிக்கப்பட்டு சோதிக்கப்பட வேண்டும்," அவருடைய வார்த்தையினால் பரீட்சிக்கப்பட வேண்டும். பாருங்கள், நெருக்கடி வரும்போது, கடினமான நேரத்தில், அது மரணத்தை எதிர்கொள்ளும்போது, தேவனுடைய வார்த்தை யின் மேல் உங்களால் நிலைத்து நின்று, "தேவன் அப்படிச் சொன்னார். அது காரியத்தை முடித்துவிட்டது" என்று சொல்ல முடியுமா?
    36 அப்படிப்பட்ட ஒரு மனிதரை தேவன் அழைத்திருந்தார், அந்த மனிதர்தான் மோசே. ஆனால் மோசே பெரும்பாலும் நம்மைப் போலவே, ஒவ்வொரு முறையும் ஏதேனும் செய்ய வேண்டிய சூழ்நிலை வரும்போது, "ஆண்டவரே, இந்த இடத்தில் நான் என்ன செய்ய வேண்டும்?" என்று மோசே கதறினார். இப்போது அது நாம் செய்வதைப் போலவே இல்லையா? தேவன் அவரை ஆசீர்வதித்து, அவருடைய சகோதரர்களைக் காட்டிலும் மேன்மையாக அவரை அபிஷேகம் செய்திருந்தார், அன்றைய காலம் முதல் அந்த நாள் வரை பூமியில் இல்லாத ஒரு செய்தியையும் ஊழியத்தையும் அவருக்குக் கொடுத்திருந்தார். இருந்தாலும், ஒவ்வொரு முறையும் ஏதோவொன்று நடந்தபோது, மோசே அதை எடுத்துக்கொண்டு தேவனிடம் ஓடினார், "ஆண்டவரே, நான் என்ன செய்ய வேண்டும்? இந்த நிலையில் நான் என்ன செய்ய வேண்டும்?"
    37 தேவனுக்கு அது சற்று சலிப்பாகிவிட்டது என்று நான் நம்புகிறேன். "ஏன் நீ என்னிடம் முறையிடுகிறாய்? மக்களிடம் பேசி முன்னேறிச் செல்" என்றார். அற்புதம், பின்வாங்க வேண்டும் என்பது போல் எப்போதாவது ஒரு நேரம் தோன்றியிருந்தால், அது அப்போதுதான், ஆனால் தேவனிடம் பின்வாங்குதல் கிடையாது.
    38 தேவனிடத்தில் பின்வாங்குவதற்கு இடமில்லை. முன்னேறிச் செல்லுங்கள். மருத்துவர் "இது புற்றுநோய்" என்கிறார், முன்னேறிச் செல்லுங்கள். அவர், "இது காசநோய் (TB)" என்று சொன்னால், முன்னேறிச் செல்லுங்கள். பிசாசு, "உன்னால் இதை விட முடியாது" என்று சொன்னால், முன்னேறிச் செல்லுங்கள். நீங்கள் ஒரு வெறியராகப் போகிறீர்கள் என்று உங்கள் வீடு சொன்னால்; முன்னேறிச் செல்லுங்கள். சபை உங்களை வெளியேற்றினால்; முன்னேறிச் செல்லுங்கள். பின்வாங்குவதே கிடையாது. முன்னேறிச் செல்லுங்கள்.
    "பேசு, முன்னேறிச் செல்."
    39 பேசுங்கள் (எதை?) அவருடைய வார்த்தையை, மேலும் முன்னேறிச் செல்லுங்கள். "கர்த்தர் உரைக்கிறதாவது" என்று சொல்லிவிட்டு நகர்ந்து செல்லுங்கள். மக்களிடம் கூறுங்கள்.
    40 ஆனால் மக்கள் அப்போது கலகம் செய்து, "நாங்கள் எகிப்திலேயே இறந்திருந்தால் நலமாக இருந்திருக்கும். கழுதைப்புலிகளும் கழுகுகளும் இந்த வனாந்திரத்தில் எங்கள் எலும்புகளைப் பிடுங்குவதை விட, எங்கள் கல்லறைகள் குறிக்கப்பட்டிருப்பது நலமாக இருந்திருக்கும். எதற்காக எங்களை இங்கே கொண்டு வந்தீர்?" என்றார்கள். தேவன் மோசேயைத் தமது ஊழியக்காரராக அங்கீகரித்ததை அவர்கள் பார்த்த பிறகும் இப்படிச் சொன்னார்கள்.
    41 தேவன், தேவன் ஒரு நபருக்குள் அல்லது நபர்களுக்குள், ஒரு சபைக்குள், ஒரு ஆண் அல்லது பெண்ணுக்குள் வரும்போது, அவர் தமது பிரசன்னத்தை மெய்ப்பித்துக் காட்டுகிறார். தாம் அங்கே இருப்பதை தேவன் நிரூபிக்கிறார். ஏனென்றால் தேவன் வரும்போது, இயற்கைக்கு அப்பாற்பட்ட அடையாளங்கள் தோன்றத் தொடங்குகின்றன. இந்த நபர் மாற்றப்பட்ட நபராக மாறுகிறார். அவர்கள் 6 பேசப்பட்ட வார்த்தை இனி ஒருபோதும் தாங்கள் முன்பு இருந்ததைப் போல இருப்பதில்லை. அவர்களின் வாழ்க்கையிலிருந்து பாவம் மறைந்துவிடுகிறது. பயமும் சந்தேகமும் மறைந்துவிடுகிறது, விரக்தியும் விலகுகிறது. அவர்கள் உறுதியானவர்கள், நிலையானவர்கள். வாழ்வோ சாவோ, அது கிறிஸ்துதான். என்ன வந்தாலும் அல்லது என்ன போனாலும் அவர்கள் கவலைப்படுவதில்லை. எதுவும் அவர்களை அசைப்பதில்லை. அவர்கள் முன்னேறிச் செல்கிறார்கள்.
    42 மேலும் மோசே மக்களைப் பார்த்து சலித்துக்கொண்டார், மக்களும் மோசேயைப் பார்த்து சலித்துக்கொண்டார்கள். அவர், "நாங்கள் என்ன செய்ய வேண்டும்?" என்றார். 
   அதற்கு, "முன்னேறிச் செல்" என்பதுதான் பதிலாக இருந்தது.
    43 இப்போது அவர்கள் சொன்னார்கள், "நாம் இந்த வனாந்திரத்தில் இருக்கிறோம், பார்வோனின் படைகள் நம்மை நெருங்கி வருகின்றன, அவர்கள் நமக்குச் சற்றுப் பின்னால் முகாமிட்டிருக்கிறார்கள்." ஆனால் தேவனுக்குக் கீழ்ப்படிய வேண்டும் என்று மோசே அறிந்திருந்தார்.
    44 மேலும் தேவன் ஒரு பிரதிநிதியை அனுப்பி, அந்தப் பிரதிநிதியை அவர் அபிஷேகம் செய்து, அவனை உலகத்திற்கு அனுப்பினால், மக்கள் அந்தப் பிரதிநிதிக்குக் கீழ்ப்படிய வேண்டும். வேதாகமம் முழுவதிலும் எப்போதும் அப்படித்தான் இருந்து வந்திருக்கிறது.
    45 அந்த வேலைக்காக மோசே அழைக்கப்பட்டார். தாம் அதைச் செய்வதாக தேவன் வார்த்தையில் சொல்லியிருந்தார். அவர்களை விடுவிப்பதற்காக அந்தக் காலத்தில் அப்படிப்பட்ட ஒரு காரியத்தை அனுப்புவதாக அவர் வாக்குத்தத்தம் செய்திருந்தார். மேலும் தேவன் தம்முடைய பங்கைச் செய்தார், மோசேயை அனுப்பினார். ஆனால் இஸ்ரவேல் மக்கள், அவர்களைச் சோதிப்பதற்காகச் சிறிய இடறல்களும் காரியங்களும் வந்ததால் மட்டுமே, மோசேயோடு சேர்ந்து அணிவகுத்துச் செல்லத் தவறிவிட்டார்கள்.
    46 இப்போது அது இன்றைய நாளைப் போலவே இல்லையா? செய்தி வெளிவருவதை நாம் காண்கிறோம். பரிசுத்த ஆவியானவரின் செட்டைகளின் மீது, தேவ வல்லமை அங்கே இருக்கும் ஒவ்வொரு நபரையும் மெய்சிலிர்க்க வைக்கும் அளவுக்குச் சபை ஒரு நிலைக்கு உயர்வதை நாம் காண்கிறோம். தேவனுடைய மகிமை சுற்றிலும் இறங்குகிறது, அடையாளங்களும் அற்புதங்களும் நிகழ்கின்றன. ஒரு வாரத்திற்கும் குறைவான காலத்தில், சாத்தான் அந்தச் சபைக்குள் வருவதற்கு அனுமதிக்கப்படுகிறான். அவன் ஏன் அப்படிச் செய்கிறான்? தேவன் அதை அனுமதிக்கிறார். பின்னர் சபை முறுமுறுக்கவும், பின்வாங்கவும் தொடங்குகிறது. "ஒருவேளை அது அப்படி இல்லாமல் இருக்கலாம்." அங்குதான் நாம் தோல்வியடைகிறோம். அதுதான் சபையின் தோல்வியாகும். என்ன நடந்தாலும், அது தேவன். முன்னேறிச் செல்லுங்கள்.
    47 "சரி," சொல்லுங்கள், "அங்கே இன்ன சகோதரர் இருக்கிறார். நான் அவருடன் சேர்ந்து வெற்றியின் சத்தமிட்டேன், ஆனால் அவர் பின்வாங்கிவிட்டார்..." அவர் என்ன செய்தாலும், அதற்கும் உங்களுக்கும் எந்தச் சம்பந்தமும் இல்லை. "சரி, இன்ன பேராசிரியர் அது சரியல்ல, அது கர்த்தருடையது அல்ல என்று சொன்னார்." எந்தப் பேராசிரியர் அப்படிச் சொன்னாலும் பரவாயில்லை, பரிசுத்த பூமியில் நின்ற நபர் நீங்கள்தான். எரியும் முட்செடியின் அருகில் இருந்தவர் நீங்கள்தான்.
    48 ஒருவேளை, எகிப்தின் பேராசிரியர்கள், ஒருவேளை பார்வோன் மோசேயிடம், "ஓ, நீ ஒரு முட்செடியைப் பார்த்ததாக நீயே கற்பனை செய்துகொள்கிறாய். நீ நினைத்தாய் உனக்கு ஒரு... அது உன் காதுகளில் கேட்ட ஒரு இரைச்சல்" என்று சொல்லியிருந்தால் என்ன ஆயிருக்கும்? தான் எங்கே நின்றோம் என்று மோசேக்குத் தெரியும். தன்னிடம் பேசியது என்னவென்று மோசேக்குத் தெரியும்.
    49 மேலும் தேவனுடைய ஆவியினால் பிறந்த ஒவ்வொரு மனிதனுக்கும், பரிசுத்த ஆவியானவர் வரும்போது தன்னிடம் பேசுவது என்னவென்று தெரியும். அது புத்திக்கு எட்டாத சமாதானத்தைப் பற்றிப் பேசுகிறது.
    50 மோசே அழைக்கப்பட்டார். அவரும் தேவனும் பின்பு... மோசே தன்னுடைய அழைப்பைப் பெற்ற பிறகு, எகிப்திற்குச் சென்றார். பின்னர் மக்கள் தன்னை நம்பும்படி அவர் செய்ய வேண்டும். இப்போது, அவர் கர்த்தருடைய அபிஷேகம் பண்ணப்பட்ட தீர்க்கதரிசியாக இருந்தார், ஆனால் மக்கள் அவரை நம்பவில்லை; இருப்பினும், தேவன் தாம் செய்த அடையாளங்களாலும் அற்புதங்களாலும் அதை நிரூபித்தார். மேலும் கர்த்தரின் ஊழியக்காரரான மோசேயை அவர்கள் நம்பாததால், எகிப்தை விட்டுப் புறப்பட்ட ஒவ்வொருவரும் வனாந்திரத்தில் விழுந்து மடிந்தார்கள். அவர்களில் ஒருவர்கூட இரட்சிக்கப்படவில்லை. தேவன் வேதாகமத்தில் பேசிய, மெய்ப்பிக்கப்பட்ட செய்திக்கு எதிராக முறுமுறுத்து, குறை கூறியதால், புறப்பட்ட யோசுவா மற்றும் காலேபைத் தவிர ஒவ்வொருவரும் இறந்து அழிந்தார்கள்.
    51 ஓ, நான் அதை நினைத்துப் பார்க்கும்போது! தேவன் எதை வாக்குத்தத்தம் செய்தாலும், தேவன் தமது வார்த்தையைக் காப்பாற்றுகிறார். மேலும் தேவன் அந்த வார்த்தையை உங்களுக்கு உறுதிப்படுத்தும் போது, அதை நம்புங்கள். தேவன் வாக்குத்தத்தம் செய்தார், "கடைசி நாட்களில், அவர் மாம்சமான யாவர்மேலும் தமது ஆவியை ஊற்றுவார். உங்கள் வாலிபர் தரிசனங்களைக் காண்பார்கள், முதியவர்கள் சொப்பனங்களைக் காண்பார்கள். என்னுடைய வேலைக்காரிகள் மற்றும் வேலைக்காரர்கள் மீதும் என் ஆவியை ஊற்றுவேன். வானங்களிலும் பூமியிலும் அடையாளங்களைக் காண்பிப்பேன், கடைசி நாட்களில் பெரிய அடையாளங்களும் அற்புதங்களும் நிகழும்." மேலும் இதோ நாம் கடைசி நாட்களில் இருக்கிறோம், தேவன் தமது வார்த்தையைக் காப்பாற்றி வருகிறார். பரிசுத்த ஆவியானவர் இங்கே இருக்கிறார், மேலும் அவர் கர்த்தராகிய இயேசுவின் வருகையை மெய்ப்பிக்கிறார். அன்று இருந்ததைப் போலவே, மக்கள் அதை நிராகரித்து, அதற்கு எதிராக முறுமுறுக்கிறார்கள். அதுதான் நமது விடுதலை.
    52 தேவனுடைய வார்த்தையின்படி, இஸ்ரவேலின் விடுதலைக்கான- அடையாளக் கம்பமாக மோசே இருந்தார். காலம் நெருங்கிவிட்டது. தேவன் மோசேயை அனுப்பினார். அவர் அந்த நாளுக்கான தேவனுடைய வெளிச்சமாக இருந்தார்.
    53 இன்றும், காலம் நெருங்கிக்கொண்டிருக்கிறது. அணுகுண்டுகள் தயாராக உள்ளன. உலகம் மிக விரைவில் துண்டு துண்டாக வெடித்துச் சிதறப் போகிறது, பூமியெங்கும் சாம்பல், எரிமலைச் சாம்பலைத் தவிர வேறொன்றுமிருக்காது. காலம் நெருங்கிவிட்டது. தேவன் தமது ஆவியை ஊற்றி தமது சபையை வெளியே எடுத்துக் கொள்வதாக வாக்குத்தத்தம் செய்துள்ளார். இயேசு கிறிஸ்து பூமியில் இருந்தபோது செய்த அதே வேலையை, பரிசுத்த ஆவியின் உருவத்தில் செய்கிற அதே இயேசு கிறிஸ்துவாகவே அவர் இருக்கிறார் என்பதை அடையாளங்களாலும் அற்புதங்களாலும் நிரூபித்து, அதைப் பிரதிநிதித்துவப்படுத்த பரிசுத்த ஆவியானவர் இங்கே இருக்கிறார்.
    54 மக்களைக் குருடாக்குகிறது. மக்கள் தங்கள் கண்களைத் திறக்காவிட்டால் சுவிசேஷம் எப்போதும் அவர்களைக் குருடாக்குகிறது. நீங்கள் நடப்பீர்கள், அல்லது அது மக்களைக் குருடாக்கும்.
    55 ஆம், வேதாகமத்தில் உள்ள ஒவ்வொரு நிகழ்விலும், தேவன் ஒரு தூதனை அனுப்பிய போது, அந்தத் தூதன் ஏற்றுக் கொள்ளப்பட்ட போது, அந்தக் காலத்தில் ஒரு எழுப்புதல் ஏற்பட்டது. ஆனால் அவர்கள் ஏற்றுக் கொள்ளப்படாவிட்டால், எந்த எழுப்புதலும் ஏற்படவில்லை, அவிசுவாசத்தைத் தொடர்ந்து குழப்பம் மட்டுமே ஏற்பட்டது.
    56 இன்றும் அப்படித்தான், அதற்குக் குறைவில்லை. வேதாகமத்தில் நான் நினைத்துப் பார்க்கும் ஒரு பெண்ணைப் பற்றி இன்று நான் குறிப்பிட விரும்புகிறேன் என்று நினைக்கிறேன். ஆரம்பத்தில் அவள் மோசமானவளாகவும், முழுவதுமாகக் கெட்டுப்போனவளாகவும் இருந்தாள். இராகாப் என்ற பெயருள்ள, இளமையான, அழகான பெண். தொடங்கு வதற்கு, அவள் ஒரு புறஜாதியார். மேலும் அவள் வீதியில் ஒரு விலைமகளாக இருந்தாள். ஆனால் ஒரு தேவன் இருக்கிறார் என்று அவள் கேள்விப்பட்டாள், ஊமையாக உட்கார்ந்தி ருக்கும் ஒரு சிலையோ, அல்லது கோட் பாடுகளின் அறிவிப்போ அல்ல; தம்முடைய மக்கள் மத்தியில் வாழ்ந்து, அவர்களை அபிஷேகம் செய்யும் ஒரு தேவன், மேலும் அடையாளங்களும் அற்புதங்களும் அவர்களைத் தொடர்கின்றன என்று கேள்விப்பட்டாள். அவள் அதைக் குறித்துக் கேள்விப்பட்டாள்.
    57 ஒருநாள், எரிகோவுக்கு இரண்டு பிரதிநிதிகள் வந்தார்கள். வீதியில் ஒரு விலைமகளாக இருந்த அவள், உடனடியாக அவர்களை அழைத்துத் தன் வீட்டிற்குள் கொண்டு சென்றாள். "அவர்கள் உங்களைத் தேடி வருகிறார்கள்" என்று கூறி, அவர்களை மறைத்து வைத்தாள்.
    58 அவளுடைய மனப்பான்மை எனக்குப் பிடித்திருக்கிறது. அவள் ஒருபோதும், "அபிஷேகம் பண்ணப்பட்ட சிறந்த யோசுவா ஏதேனும் அடையாளம் செய்வதை நான் பார்க்கும்போது நம்புவேன். மோசே சில அடையாளங்களைச் செய்ததை நான் பார்த்திருந்தால் நம்பியிருப்பேன்" என்று சொல்லவில்லை. ஆனால், "நான் கேள்விப் பட்டேன்" என்று அவள் சொன்னாள்.
    "விசுவாசம் கேள்வியினால் வரும், கேள்வி தேவனுடைய வார்த்தையினால் வரும்."
    59 "உண்மையான தேவனாகிய பரலோகத்தின் தேவன் உங்களுடனே இருக்கிறார் என்று நான் கேள்விப்பட்டேன். அவர் பெரிய அடையாளங்களையும் அற்புதங் களையும் செய்திருக்கிறார். அவர் செங்கடலை வற்றப்பண்ணினார். அவர் எகிப்தின் மீது வாதைகளைக் கொண்டுவந்தார். சத்துருவை அவர் எப்படி உங்கள் கைகளில் ஒப்புக் கொடுத்தார் என்பதை நாங்கள் காண்கிறோம், அதனிமித்தம் எங்கள் தேசம் முழுவதுமே நடுங்கிக்கொண்டிருக்கிறது. நான் இரக்கத்தைக் கேட்கிறேன்."
    60 அவள், "முதலில் நான் இந்தத் தேவனைக் காண வேண்டும். நான் என் முடிவை எடுத்து, என் வேதவசனம் அதைப் பற்றி என்ன சொல்கிறது என்று பார்க்கிறேன்" என்று சொல்லவில்லை. மேலும், பாருங்கள், அவளால் அதைக் கண்டுபிடித்திருக்கவே முடியாது.
    61 ஆனால், "விசுவாசம் கேள்வியினால் வரும், கேள்வி தேவனுடைய வார்த்தையினால் வரும்," அவள் நம்பினாள்.
    62 இந்த வார்த்தைகள் யோசுவாவிடம் கொண்டுவரப்பட்டபோது. யோசுவா என்ற சொல்லுக்கு இயேசுவைப் போல "இரட்சகர்" என்று பொருள். அந்த... தேவனால் அபிஷேகம் பண்ணப்பட்ட யோசுவாவிடம் அவர் கொண்டு வந்தபோது, அவளுடைய வீடு நிற்க அனுமதிக்கப்பட்டது. மக்கள் எரிகோவின் மதில்களைப் பதிமூன்று முறை சுற்றி வந்து எக்காளம் ஊதியபோது, அந்த மதிலின் ஒவ்வொரு இடமும் இடிந்து விழுந்தது, ஆனால் அவளுடைய வீடு விழவில்லை, ஏனென்றால் அவள் எதையும் காண்பதற்கு முன்பே நம்பினாள். அவள் அதை ஏற்றுக்கொண்டாள். "அவர்கள் உன்னதமான தேவனுடைய ஊழியக்காரர்கள், அதைக் கேட்டதன் அடிப்படையில் நான் அதை ஏற்றுக்கொள்வேன். நான் அதை நம்புகிறேன்" என்று அவள் சொன்னாள். விசுவாசம் கேள்வியினால் வருகிறது. அவள் அதைக் கேட்டாள். அவள் அதை நம்பினாள். அவள் அதை ஏற்றுக்கொண்டாள்.
    63 கவனியுங்கள், அவர்கள் சொன்னார்கள், "நீ எங்களைக் கீழே இறக்கிவிட்ட இந்தச் சிவப்பு நூலை ஜன்னலில் கட்டிக்கொள்." அந்தச் "சிவப்பு" இயேசுவின் இரத்தத்தைப் பற்றி, பாவநிவாரணத்தைப் பற்றிப் பேசியது. அந்த மதிலின் ஒவ்வொரு இடமும் இடிந்து விழுந்தது, இராகாபின் வீட்டைத் தவிர. அது மதிலின் உச்சியில் அமர்ந்திருந்தது. தேவன் அவளைக் கனப்படுத்தினார். மேலும் அவர்... செங்கடலை வற்றப்பண்ணியதைப் போல ஒரு பெரிய அற்புதம் அங்குச் செய்யப்பட்டதை அவள் கண்டாள். ஏனென்றால், அந்தச் சிறிய இடத்தைப் பாதுகாக்க யெகோவாவின் கரம் அதன்மேல் இருந்தது. அவள் அதை ஏற்றுக்கொண்டிருந்தாள், தேவனால் அபிஷேகம் பண்ணப்பட்டதை. தேவனுடைய ஊழியக்காரர்கள் அபிஷேகம் பண்ணப்பட்டு அங்கே சென்றார்கள், அவள் அதை நம்பினாள். அற்புதங்களைக் காண்பதற்கு முன்பே, அவள் எப்படியோ அதை நம்பி ஏற்றுக்கொண்டாள்.
    64 கர்த்தருடைய தீர்க்கதரிசியான எலியா, அபிஷேகம் பண்ணப்பட்டார். ஓ, ஆம், தேவன் அவரைத் தீர்க்கதரிசியாக அபிஷேகம் செய்தார். அவர் போதகர் எலியா ஆவார். யேசபேல் அவரை அப்படி அழைக்க விரும்பியிருப்பாள் என்று நான் கற்பனை செய்யவில்லை, ஆனால் அவர் அவளுக்கு அப்படித்தான் போதகராக இருந்தார். தேவன் அவரை அவளுக்குப் போதகராக ஆக்கினார், அதனால் அவள் அவரை வெறுத்தாள். தேவன் அவரிடம் சொன்னார், "நீ மலையின்மேல் ஏறிப்போய் அங்கே உட்கார்ந்துகொள். உனக்கு உணவளிக்க நான் காகங்களுக்குக் கட்டளையிட்டிருக்கிறேன். கேரீத் ஆற்றிலிருந்து நான் உனக்குத் தண்ணீர் தருவேன்." அவர் அங்கே உட்கார்ந்துகொண்டார்.
    65 அந்த ராஜா சொன்னார், "போய் அந்த வெறியனைப் பிடித்து இங்கே கீழே கொண்டு வாருங்கள்." ராஜாவின் கட்டளையுடன் ஆயுதம் ஏந்திய படைவீரர்கள் அனைவரும் மலையின்மேல் ஏறத் தொடங்கினார்கள்.
    66 எலியா அநேகமாக எழுந்து இப்படி ஏதோ சொல்லியிருக்கலாம், "ஐயாக்களே, இது ஒரு பரிசுத்தமான இடம். அவருடைய தீர்க்கதரிசியாக இருக்க தேவன் என்னை அழைத்திருக்கிறார். இந்த இடத்தில் நின்று, அவருடைய செய்தியை அறிவிக்கும்படி அவர் எனக்குக் கட்டளையிட்டிருக்கிறார். நான் உங்களிடம் சொல்லும் செய்தி இதுதான், 'நீங்கள் இந்த இடத்தின் அருகே வர வேண்டாம்." ஆமென். "விருத்தசேதனம் இல்லாதவர்களே, இங்கிருந்து விலகியிருங்கள். கர்த்தருடைய ஊழியக்காரரான மோசே ஆற்றைக் கடந்தபோது, விருத்தசேதனம் இல்லாதவர்கள் அவரைப் போலச் செயல்பட முயன்றதை நீங்கள் வாசிக்கவில்லையா? அவர்கள் அனைவரும் மூழ்கிப்போனார்கள். இந்த இடத்தை விட்டு விலகியிருங்கள்."
    67 "ஓ," அந்தப் பழைய போலியானவன்! அவன் எந்தப் பள்ளியிலிருந்து வந்தான்? நாம் எப்படியாவது உள்ளே போவோம்" என்றார்கள்.
    68 எலியா சொன்னார், "நான் தேவனுடைய மனுஷனானால், பரலோகத்திலிருந்து அக்கினி இறங்கி என் ஊழியத்தை மெய்ப்பிக்கட்டும்." சரியாக அந்த நேரத்தில், அக்கினி இறங்கி ஐம்பது பேரைச் சுட்டெரித்தது.
    69 "மின்னல் அவர்களைத் தாக்கியது" என்று ராஜா சொல்லியிருக்கலாம். எனவே அவர் மேலும் ஐம்பது பேரை அனுப்பினார், அதே காரியம்தான் நடந்தது. அவிசுவாசம்.
    70 ஜீவனுள்ள தேவனுடைய அபிஷேகம் பண்ணப்பட்ட சபையை ஏளனம் செய்து, கேலி செய்து, பரிகாசம் செய்யும் மனிதர்கள் என்றாவது ஒரு நாள் நரகத்தில் அழிந்துபோவார்கள். சில நிமிடங்கள் மட்டுமே எரியாது. அது நீண்ட காலமாக இருக்கலாம்.
    71 எனவே அது பரிசுத்தமான இடம். தேவனால் அபிஷேகம் பண்ணப்பட்டவர் அங்கு நிற்கிறார். விருத்தசேதனம் இல்லாத அல்லது அசுத்தமான எந்தப் பொருளும் அந்த இடத்திற்குள் நுழைய முடியாது. அது உண்மை. தாங்கள் அதைச் செய்வதாகப் போலியாக நடிப்பவர்கள் அப்படிச் செய்ய முயன்றால், அவர்கள் விரைவில் ஒன்றுமில்லாமல் போவதை நீங்கள் காண்பீர்கள். ஆனால் போலியாக நடிப்பவர்கள் எதை மெய்ப்பிக்கிறார்கள்? உண்மையான ஒன்று இருக்கிறது என்பதை. ஒரு உண்மையான தேவன் இருக்கிறார். சிலர் விரும்புகிறார்கள்... அவர்கள் அதை நம்புவதில்லை, ஆனால் அவர்கள் அதை நம்புவதுபோல நடிக்க விரும்புகிறார்கள். ஆனால் தேவனை அறிந்த ஒரு நபர், பரிசுத்த ஆவியானவரால் மறுபடியும் பிறந்து, தேவனுடைய வல்லமையால் நிரப்பப்பட்டு, "கர்த்தர் உரைக்கிறதாவது" என்பதோடு முன்னேறிச் செல்லும் மனிதனாவான். ஏதோவொன்று தங்கள் இருதயத்தைத் தாக்கியிருப்பதை அவர்கள் அறிவார்கள். தாங்கள் சொல்வது சரி என்பதை அவர்கள் அறிவார்கள்.
    72 ஆகவே எலியா அவர்கள் நம்பாத, அபிஷேகம் பண்ணப்பட்ட ஒரு தேவ மனுஷனாக இருந்தார்.
    73 தீர்க்கதரிசியான நாத்தானுடன் தாவீது அமர்ந்திருந்தபோது அவரைப் பாருங்கள். தாவீது, தேவனுடைய இருதயத்திற்கு ஏற்ற மனிதர், அவர் அபிஷேகம் பண்ணப்பட்டவராக இருந்தார். தேவன் அவரை ராஜாவாக அபிஷேகம் செய்தார். தாவீது ஒரு ராஜா மட்டுமல்ல, அவர் ஒரு தீர்க்கதரிசியாகவும் இருந்தார். எனவே நாத்தான் தேசத்தின் பெரிய தீர்க்கதரிசியாக இருந்தார். தாவீது ஏறக்குறைய, ஒரு கவிஞர், ஒரு தீர்க்கதரிசி, பாடலாசிரியர் மற்றும் இசைக்கலைஞராக இருந்தார். மேலும் தீர்க்கதரிசனம் உண்மையாகவே, அதன் அசல் வடிவத்தில், அவர்கள் தீர்க்கதரிசனம் சொல்லும்போது அது ஒரு பாடலைப் போன்றது.
    74 பின்பு, ஒருநாள் தீர்க்கதரிசியும் ராஜாவும் ஒன்றாக அமர்ந்திருந்தபோது, தாவீது சொன்னார், "நான் கேதுரு மரங்களால் கட்டப்பட்ட வீட்டிலும், என் தேவனுடைய பெட்டி ஒரு கூடாரத்தின் கீழும் இருப்பது எனக்குச் சரியல்ல."
    75 நாத்தானின் குறிப்பிடத்தக்க வார்த்தை களை நீங்கள் கவனிக்க வேண்டும் என்று நான் விரும்புகிறேன். அவர் சொன்னார், "தாவீதே..." ஓ, இப்போது இதைப் புரிந்துகொள்ளத் தவறாதீர்கள், வரிகளுக்கு இடையே உள்ளதைப் புரிந்துகொள்ளுங்கள். "தாவீதே, உம்முடைய இருதயத்திலிருக்கிறதையெல்லாம் செய்யும், தேவன் உம்மோடிருக்கிறார்." ஓ, ஆச்சரியம், நான் அதை நினைத்துப் பார்க்கும்போது! "தாவீதே, உம்முடைய இருதயத்திலிருக்கிறதை யெல்லாம் செய்யும், தேவன் உம்மோடி ருக்கிறார்."
    "ஏன் என்னிடம் முறையிடுகிறாய்?"
    76 தேவன் உங்களோடு இருக்கிறார். பேசி முன்னேறிச் செல்லுங்கள். தேவன் உங்களை அபிஷேகம் செய்திருக்கிறார். நகர்ந்து செல்லுங்கள். தயக்கம் காட்ட வேண்டாம், இதை, அதை அல்லது வேறு எதையாவது சொல்லுங்கள். "நான் தேவனை நம்ப வேண்டுமா? இதற்காக நான் அவரை நம்ப வேண்டுமா?" நீங்கள் சுவாசிக்கும் ஒவ்வொரு மூச்சுக்கும் அவரை நம்புங்கள்.
    77 அது சிறந்த தளபதியான ஸ்டோன்வால் ஜாக்சன், யோசுவாவுக்குப் பிறகு எனக்கு மிகவும் பிடித்த தளபதி அவர்தான். ஸ்டோன்வால் ஜாக்சனிடம் ஒருமுறை கேட்கப்பட்டது, "எதிர்ப்புகள் இவ்வளவு பெரியதாக இருக்கும்போது, வெறும் சில மனிதர்களை மட்டும் வைத்துக்கொண்டு உங்களால் எப்படி நிற்க முடிகிறது?"
    78 அப்படித்தான் அவருக்கு "ஸ்டோன்வால்" (கற்சுவர்) என்ற பெயர் கிடைத்தது. அவர் அசைந்துகொடுக்க மாட்டார். பின்வாங்குவது என்றால் என்னவென்று அவருக்குத் தெரியாது. அப்படிப்பட்ட ஒரு மனிதரை நாம் எதற்குக் காரணமாகக் கூற முடியும்? ஆயிரக்கணக்கில் யாங்கிகள் இறங்கி வந்தபோது, சிறுபான்மையினராக அங்கு நின்ற ஒரு மனிதன், ஆனால் அவர்களால் அவரை ஒருபோதும் அசைக்க முடியவில்லை. அவர் ஒரு கற்சுவரைப் போல நின்றார். மற்ற எல்லாக் கிளர்ச்சிப் படைகளும் பின்வாங்கிவிட்டன! ரியான்ஸ் வந்து, "ஜாக்சனுக்கு என்ன பிரச்சனை? அவர் ஏன் செல்லவில்லை?" என்றார். அவர், "அவர் ஒரு கற்சுவரைப் போல நிற்கிறார்" என்றார். அங்கிருந்துதான் அவருக்கு அந்தப் பட்டம் கிடைத்தது.
    79 மற்ற தளபதிகள் அவரிடம், "திரு. ஜாக்சன்..." என்று கேட்டார்கள். அவர் கொஞ்சம் சிறிய மனிதர், கருமையான முடி மற்றும் நீலநிறக் கண்களை உடையவர், சுமார் ஐந்தடி இரண்டு அங்குல உயரமே இருந்தவர், மிகவும் அடக்கமானவர், மென்மையாகப் பேசும் சிறிய மனிதர். "திரு. ஜாக்சன், இவ்வளவு பெரிய எதிர்ப்புகளுக்கு மத்தியில் உங்களால் எப்படி நிற்க முடிகிறது?" என்றார்கள்.
    80 வெட்கப்பட்டதுபோல, அவர் தனது காலணியால் தரையை உதைத்தார். அவர் சொன்னார், "அதற்காக முதலில் தேவனுக்கு நன்றி சொல்லாமல் நான் ஒருபோதும் ஒரு மிடறு தண்ணீர் கூடக் குடிக்க மாட்டேன்."
    81 அது அங்கேதான் இருக்கிறது. தேவடத்தில் பின்வாங்குதல் கிடையாது. "பேசு மற்றும் முன்னேறிச் செல்." அது சரிதான். அதுவே தேவன் தமது சபைக்கு அளிக்கும் கட்டளையாகும். நாம் தாமதிப்பதற்கு நேரமில்லை.
    82 அவர்கள் சொல்கிறார்கள், "எழுப்புதல் முடிந்துவிட்டது." அது முடிந்துவிடவில்லை. முன்னேறிச் செல்லுங்கள். "பெந்தெகோஸ்தே ஓய்ந்துபோகும் நேரம் வந்துவிட்டது." அது அப்படியல்ல. பெந்தெகோஸ்தே இயேசு கிறிஸ்துவின் நாமத்தில் எழும்பி முன்னேறிச் செல்வதற்கான நேரம் இது. பின்வாங்குவதே கிடையாது. அதே இடத்தில் தங்கியிருப்பதும் கிடையாது. நாம் ஆவியானவரோடு நகர்ந்து செல்வோம், இல்லையென்றால் ஆவியானவர் வேறொருவரிடம் சென்று உங்களை நிற்க வைத்துவிடுவார். நீங்கள் அவரைப் பின்பற்றுங்கள்.
    "உம்முடைய இருதயத்திலிருக்கிறதை யெல்லாம் செய்யும், தேவன் உம்மோடி ருக்கிறார்."
    83 இயேசு வந்தபோது: வேதாகமம் கூறுகிறது, பேதுரு சொன்னார், "பெந்தெகோஸ்தே நாளில், நசரேயனாகிய இயேசு, உங்களுக்குள்ளே தேவனால் அங்கீகரிக்கப்பட்ட ஒரு மனிதர், (எப்படி?) அடையாளங்கள், அற்புதங்கள் மற்றும் ஆச்சரியங்களினாலே, அவர் உங்கள் அனைவரின் மத்தியிலும் அதைச் செய்தார். இதற்கெல்லாம் நீங்களே சாட்சிகளாக இருக்கிறீர்கள்." அவர் என்னவாக இருந்தார்? அவர் அடையாளங்களைச் செய்கிறவராக, அபிஷேகம் பண்ணப்பட்டவராக இருந்தார். வேறொரு இடத்தில் இது, "நசரேயனாகிய இயேசு, உங்களுக்குள்ளே தேவனால் அங்கீகரிக்கப்பட்ட ஒரு மனிதர்." தேவனுடைய அங்கீகாரம் அவர் மீது இருந்தது. அவர் அவரை எப்படி அங்கீகரித்தார்? அடையாளங்களாலும், அற்புதங்களாலும்.
    84 இயேசு சொன்னார், "நான் என் பிதாவின் கிரியைகளைச் செய்யாதிருந்தால், நீங்கள் என்னை நம்பவேண்டாம். ஆனால் நான் என் பிதாவின் கிரியைகளைச் செய்தால், ஒரு மனிதனாக நீங்கள் என்னை நம்ப முடியாவிட்டாலும், அந்த கிரியைகளையாவது நம்புங்கள்." வேறு வார்த்தைகளில் கூறுவதானால், அவர் சொன்னார், "நான்தான் அவர் என்பதை உங்களால் நம்ப முடியாவிட்டால், நீங்கள் உங்கள் பாவங்களிலே அழிந்துபோவீர்கள். ஆனால் நீங்கள் என்னை நம்பாவிட்டாலும், குறைந்தபட்சம் நான் செய்கிற கிரியைகளையாவது நம்புங்கள்." ஓ, அவர் அடையாளங்களினாலே தேவனால் அங்கீகரிக்கப்பட்டிருந்தார்.
    85 நிக்கொதேமு இரவில் வந்தபோது, அதை நன்றாக வெளிப்படுத்தினார். அவர் சொன்னார், "நல்ல போதகரே, நீர் தேவனிடத்திலிருந்து வந்த ஒரு போதகர் என்று நாங்கள் அறிந்திருக் கிறோம்." ஆமென். அவர்களால் அதை மறைக்க முடியவில்லை. "நீர் தேவனிடத்திலிருந்து வந்த ஒரு போதகர் என்று நாங்கள் அறிந்திருக் கிறோம், ஏனெனில் தேவன் ஒருவனோடே இராவிட்டால், நீர் செய்கிற இந்தக் காரியங்களை, நீர் செய்கிற இந்தக் கிரியைகளை ஒருவனும் செய்யமாட்டான்." அவர் தேவனால் அங்கீகரிக்கப்பட்டவர், தேவனால் அபிஷேகம் பண்ணப்பட்டவர் என்பதை அவர்கள் உணர்ந்தார்கள். அவர் தேவனுடைய ஊழியக்காரராக இருந்தார்.
    86 சபை அவரை வெறுத்தாலும், அதை அங்கீகரிக்க வேண்டியிருந்தது. அவர்கள் அவரை ஒரு பிசாசு என்று அழைத்தார்கள். அவர்கள் எல்லா வகையான சாக்குப்போக்குகளையும் கண்டுபிடிக்க முயன்றார்கள். ஆனால் உண்மைகளை எதிர்கொள்ள வந்தபோது, அவர் அபிஷேகம் பண்ணப்பட்டவர் என்பதை அவர்கள் நம்பினார்கள், ஆனால் அவர்கள் தேவனுடைய அபிஷேகத்தை விடத் தங்கள் பாரம்பரியத்தையே அதிகமாக எண்ணினார்கள்.
    87 இன்று ஆண்களும் பெண்களும் சபையில் சில சமுதாய அந்தஸ்துகளில் இணைவார்கள், சில அறிவுஜீவி குழுக்களில் இணைவார்கள், ஏனென்றால் தேவனுடைய ஆவியானவருக்கு ஜீவன் இருக்கிறது என்பதையும் அவர் அசைகிறார் என்பதையும் அவர்கள் அறிந்திருக்கும்போது, அறிவுசார் பிரிவுகளில் சேர்வதையே அவர்கள் விரும்புகிறார்கள். இயேசு கிறிஸ்து நேற்றும், இன்றும், என்றென்றைக்கும் மாறாதவராக இருக்கிறார். அப்போது அவர் எப்படி இருந்தாரோ, இப்போதும் அப்படித்தான் இருக்கிறார், என்றென்றைக்கும் அப்படித்தான் இருப்பார். மேலும் தேவனுடைய தூதன் இங்கே இருக்கிறார், அவர் பரிசுத்த ஆவியானவர். அவரை நிராகரிப்பது மரணம், அவரை ஏற்றுக்கொள்வது ஜீவன். அங்கீகரிக்கப்பட்டது! மக்கள் அதை எப்படி ஏற்றுக்கொள்கிறார்கள்?
    88 இப்பொழுது, பரிசுத்த ஆவியானவருக்கு ஒரே ஒரு செய்திதான் உள்ளது, "வார்த்தையைப் பேசு. முன்னேறிச் செல்." அது சரிதான். "என்னிடம் முறையிடாதே. அங்கே வார்த்தை இருக்கிறது. அதைப் பேசி முன்னேறிச் செல்," கர்த்தர் உரைக்கிறதாவது. அதுதான் பரிசுத்த ஆவியானவரின் செய்தி.
    89 இப்பொழுது மக்கள் முறுமுறுக்கத் தொடங்குகிறார்கள். அவர்கள் விழுந்து போனார்கள். நாம் முறுமுறுக்க விரும்பவில்லை.
    90 இயேசு செய்த கிரியைகள் என்ன? அவர் சொன்னார், "என் கிரியைகள் என்னை வெளிப்படுத்துகின்றன. நான் யார் என்பதை என் கிரியைகள் நிரூபிக்கின்றன. என் கிரியைகள் என்னை மெய்ப்பிக்கின்றன."
    91 தேவன் மோசேயை அனுப்பியபோது, அந்த கிரியைகள் அவரை மெய்ப்பித்தன. தேவன் எலியாவை அனுப்பியபோது, அந்த கிரியைகள் அவரை மெய்ப்பித்தன. தேவன் ஒரு மனிதனை அபிஷேகம் செய்யும்போது, அவனுடைய கிரியைகள் அவனை மெய்ப்பிக்கின்றன.
    92 இந்தக் கடைசி நாட்களில் தேவன் பரிசுத்த ஆவியானவரை அனுப்பியபோது, அந்த கிரியைகள் அவரை மெய்ப்பிக்கின்றன. ஒரு சபையில் இணைவது, ஒரு அமைப்பில் இணைவது, ஒரு விசுவாசப் பிரமாணத்தை அல்லது ஒரு கோட்பாட்டை ஏற்றுக்கொள்வது; அதுதான் பரிசுத்த ஆவியானவர் என்றால், எல்லா வகையான மதங்களிலும் எப்போதுமே ஒரு பரிசுத்த ஆவியானவர் இருந்து வந்திருக்கிறார். ஆனால் இந்தப் பரிசுத்த ஆவியானவர், பெந்தெகோஸ்தே நாளில் அன்று இருந்த அதே பரிசுத்த ஆவியானவராகவே இருக்க வேண்டும், இல்லையென்றால் அது அதே பரிசுத்த ஆவியானவர் அல்ல. அவர் ஒருபோதும் மாறக்கூடாது. அது அதே ஆவியானவர். அவர் என்றென்றைக்கும் வாழ வேண்டும்.
    93 இயேசு சொன்னார், "நான் செய்கிற கிரியைகள்; என்னிடத்தில் விசுவாசமாயி ருக்கிறவன்." யோவான் 14:7. "என்னிடத்தில் விசுவாசமாயிருக்கிறவன், நான் செய்கிற கிரியைகளை அவனும் செய்வான். என்னிடத்தில் விசுவாசமாயிருக்கிறவன்!"
    94 ஒரு மனிதன் பரிசுத்த ஆவியானவரைப் பெறும்வரை, இயேசு கிறிஸ்து தேவனுடைய குமாரன் என்று எந்த மனிதனாலும் நம்ப முடியாது. நீங்கள் அதை விசுவாசத்தினால் மட்டுமே எடுத்துக்கொண்டு ஏற்றுக் கொள்கிறீர்கள். அது அப்படித்தான் என்று உங்களால் சொல்ல முடியாது. "அது அப்படித்தான் என்று நான் நம்புகிறேன்" என்று நீங்கள் சொல்லலாம். "ஆனால் ஒரு மனிதனுக்குள் பரிசுத்த ஆவியானவர் வரும்வரை எந்த மனிதனும் இயேசுவைக் கிறிஸ்து என்று அழைக்க முடியாது." வேதாகமம் அப்படிச் சொல்கிறது. பரிசுத்த ஆவியானவர் முதலில் உள்ளே வர வேண்டும், பிறகு அவர் ஒரு சாட்சியைத் தருகிறார். இயேசுவே கிறிஸ்து என்பதை நீங்களே அறிவீர்கள், ஏனென்றால் அவர் உங்களுக்குள் வாழ்கிறார். பிறகு அதே பரிசுத்த ஆவியானவர் மக்கள் மூலமாகத் தம்மை அறிமுகப்படுத்துகிறார், "விசுவாசிக் கிறவர்களால் நடக்கும் அடையாளங்களாவன."
    95 சபை அதைப் பார்த்துச் சிரிக்கிறது மற்றும் அதைக் கேலி செய்கிறது. நாம் அந்த நாளில்தான் வாழ்ந்துகொண்டிருக்கிறோம். அணு குண்டுக்காகவும், நியாயத்தீர்ப்புக்காகவும் சூழ்நிலை சூடுபிடித்துக்கொண்டிருக்கிறது.
    96 சபை ஒரு எடுத்துக்கொள்ளப்படுதலுக்குத் (Rapture) தயாராகிக்கொண்டிருக்கிறது. நாம் காத்துக்கொண்டிருக்கிறோம். எதிர்பார்ப்புகள், காத்திருப்பு! சபை கர்த்தருடைய வருகைக்காகக் காத்துக்கொண்டிருக்கிறது.
    97 உலகம் அதிர்ந்து கொண்டிருக்கிறது, யார் முதலில் குண்டை மற்றவர் மீது போடப் போகிறார்கள் என்று யோசிக்கிறது. யார் முதலில் அங்கு செல்கிறார்கள் என்பதைப் பற்றி நாங்கள் கவலைப்படவில்லை. நாங்கள் இங்கே செல்கிறோம், அதனால் யார் முதலில் அங்கு செல்கிறார்கள் என்பது ஒரு பொருட்டல்ல. அதற்கும் எங்களுக்கும் எந்தச் சம்பந்தமும் இல்லை.
    98 நாங்கள் மகிழ்ச்சியடைகிறோம், சந்தோஷமாக இருக்கிறோம், ஒருநாள் பரலோகத்திலிருந்து ஒரு சத்தத்தைக் கேட்போம், அவர் இங்கே வருவார் என்று நம்புகிறோம். அவருடைய சபை அவரைச் சந்திப்பதற்கும் அவரோடு இருப்பதற்கும் காற்றில் எடுத்துக்கொள்ளப்படும்.
    99 "என்னிடத்தில் விசுவாசமாயிருக்கிறவன், நான் செய்கிற கிரியைகளை அவனும் செய்வான்."
    100 பேதுரு சொன்னார், "நசரேயனாகிய இயேசு, அபிஷேகம் பண்ணப்பட்ட ஒரு தீர்க்கதரிசி, உங்கள் எல்லார் மத்தியிலும் தேவனால் அபிஷேகம் பண்ணப்பட்டு அங்கீகரிக்கப் பட்டவர், அதை நீங்களே அறிவீர்கள்."
    101 வேதாகமம் இதையும் சொல்கிறது, "தேவன் நசரேயனாகிய இயேசுவைப் பரிசுத்த ஆவியினாலே அபிஷேகம்பண்ணினார், அவர் நன்மை செய்கிறவராகவும், வியாதிப் பட்டவர்களைக் குணமாக்குகிறவராகவும் சுற்றித் திரிந்தார்." அவர் எதைக் கோரினாரோ அதுவாகவே இருந்தார் என்பதற்கான ஒரு அடையாளம் அது.
    102 அப்படித்தான் தேவன் அதை அனுப்புகிறார். கடைசி நாளில் அது அப்படித்தான் வர வேண்டும். மேலும் கடைசி நாட்களில் வரும் பரிசுத்த ஆவியானவர் நம்மை ஒரு விசுவாசப் பிரமாணத்தை நோக்கி ஈர்ப்பதற்காக அல்ல, ஒரு சபையை நோக்கி ஈர்ப்பதற்காக அல்ல. அது நம்மை தேவனிடம் ஈர்ப்பதற்காகவே வருகிறது, மேலும் இயற்கைக்கு அப்பாற்பட்ட அடையாளங்கள் அந்தப் பரிசுத்த ஆவியானவரைப் பின்பற்ற வேண்டும். பரிசுத்த ஆவியானவரின் அடையாளங்கள் என்ன? நசரேயனாகிய இயேசு தேவனால் அங்கீகரிக்கப்பட்டு, பரிசுத்த ஆவியானவரால் அபிஷேகம் பண்ணப்பட்ட ஒரு மனிதராக இருந்தால், அவரிடம் எந்த மாதிரியான செய்தி இருந்தது என்று பார்ப்போம். அவர் என்ன செய்தார்? அவர் எப்படிச் செயல்பட்டார்? அவருடைய செயலைப் பாருங்கள், பிறகு நாம் அவருடைய செயல்களைப் பின்பற்றலாம்.
    103 அவர் முப்பது வயதில் தமது ஊழியத்திற்கு முதன்முதலில் வந்தபோது, அவர் பரிசுத்த ஆவியானவரால் அபிஷேகம் பண்ணப்பட்டபோது, அவர் செய்த முதல் காரியம் பேதுரு என்ற பெயருள்ள ஒரு மனிதரைச் சந்தித்தார். அவரிடம் அவர் சொன்னார், "உன் பெயர் சீமோன், நீ யோனாவின் மகன்." அவர் அவரை நம்பினார்.
    104 ஏன்? மோசே அவனுடைய காலத்திற்கு முன்பு பேசியிருந்தார், அவர் சொன்னார், "உன் தேவனாகிய கர்த்தர் என்னைப் போல ஒரு தீர்க்கதரிசியை எழும்பப்பண்ணுவார். அதுவே அடையாளமாக இருக்கும். நீங்கள் அறிந்துகொள்வீர்கள். அவர் ஒரு தேவன்-தீர்க்கதரிசியாக இருப்பார். அந்த மேசியா தேவனாகவும் தீர்க்கதரிசியாகவும் இருப்பார், அவர் வரும்போது ஒரு தீர்க்கதரிசியின் அடையாளத்தைச் செய்வார்."
    105 இன்று யூதர்களைப் போல. லூயி பெத்ரஸ் (Lewi Pethrus), உலகின் வேறு பகுதிகளில் இருந்து வந்து, இயேசுவைப் பற்றிக் கேள்விப்படாத அந்த யூதர்களுக்கு ஒரு மில்லியனுக்கும் அதிகமான வேதாகமங்களை, புதிய ஏற்பாடுகளை அனுப்பினார். இருபத்தைநூறு ஆண்டுகளாக அங்கே இருந்து வருகிறார்கள். அவர்கள் அந்தப் புதிய ஏற்பாட்டை வாசிக்கத் தொடங்குகிறார்கள். அவர்கள் சொன்னார்கள், "இது மேசியாவாக இருந்தால், மேசியா ஒரு தேவன்-தீர்க்கதரிசியாக இருப்பார் என்பதை நாங்கள் அறிவோம். இது மேசியாவாக இருந்து, அவர் மரிக்காமல், மீண்டும் உயிரோடிருந்தால், அவர் தீர்க்க தரிசியின் அடையாளத்தைச் செய்வதை நாம் பார்ப்போம். நாங்கள் அவரை நம்புவோம், ஏனென்றால் எங்கள்-எங்கள் மேசியா ஒரு தேவன்-தீர்க்கதரிசி ஆவர்."
    106 இயேசு பேதுருவைச் சந்தித்தபோது, அவர் சொன்னார், "உன் பெயர் சீமோன். உன் தகப்பன் பெயர் யோனா." பேதுரு அவருடைய பாதத்தில் விழுந்தார். யாரைப் பற்றிப் பேசப்பட்டது என்பதை அவர் அறிந்திருந்தார். உடனடியாக அவர்கள் சென்றார்கள், பின் சென்றார்கள்... பிலிப்பு நாத்தான்வேலிடம் சென்று தான் கண்டதைக் கூறினார்.
    107 நாத்தான்வேல் அவருக்கு முன்பாக வந்தபோது, அவர் சொன்னார், "இதோ, கபடற்ற ஓர் இஸ்ரவேலன்." 
   "ரபீ, என்னை உமக்கு எப்படித் தெரியும்?" என்றார்.
    108 அவர் சொன்னார், "பிலிப்பு உன்னை அழைக்கும் முன்னே, நீ அத்திமரத்தின் கீழிருக்கும்போது உன்னைக் கண்டேன்."
    109 அவர் சொன்னார், "நீர் தேவனுடைய குமாரன். நீர் இஸ்ரவேலின் ராஜா." அது யார் என்று அவர்களுக்குத் தெரிந்திருந்தது. 
   அந்தச் சமாரியப் பெண், அவள் சொன்னபோது...
    110 அவர், "எனக்குக் குடிக்கத்தா" என்று சொன்னபோது. சமாரியா தேசத்தைச் சேர்ந்த அந்தப் பெண். அவள் சொன்னாள், "ஓ, அந்த..." அவர் சொன்னார், "எனக்குக் குடிக்கத்தா."
    111 அவள் சொன்னாள், "சமாரியர்களிடம் இது போன்ற காரியங்களைக் கேட்பது யூதர்களாகிய உங்களுக்கு வழக்கம் இல்லையே. நான் சமாரியாவைச் சேர்ந்த ஒரு பெண்."
    112 அவர் சொன்னார், "நீ யாரிடம் பேசிக்கொண்டிருக்கிறாய் என்பது உனக்குத் தெரிந்திருந்தால், நீ என்னிடம் குடிக்கக் கேட்டிருப்பாய். நீ இங்கு வந்து மொண்டு கொள்ளாதபடி, நான் உனக்குத் தண்ணீர்களைக் கொடுத்திருப்பேன்."
    113 அவளுடைய பிரச்சனைகள் என்னவென்பதை அவர் காணும் வரை உரையாடல் சிறிது நேரம் தொடர்ந்தது. அவர் சொன்னார், "போய் உன் புருஷனை இங்கே அழைத்து வா."
   அவள், "எனக்குப் புருஷன் இல்லை" என்றாள்.
    114 அவர் சொன்னார், "அது சரிதான். உனக்கு ஐந்து புருஷர்கள் இருந்தார்கள், இப்போது நீ யாருடன் வாழ்கிறாயோ அவன் உன் புருஷன் அல்ல. நீ சரியாகச் சொன்னாய்."
    115 அவள் சொன்னாள், "ஐயா!" ஓ, சகோதரரே, உடனே தேவனுடைய ஆவியானவர் அந்தப் பெண்ணின் மீது இறங்கினார்! "ஐயா, நீர் ஒரு தீர்க்கதரிசி என்பதை நான் அறிகிறேன். மேசியா வருகிறார் என்பதை நாங்கள் அறிவோம், அவர் வரும்போது, இந்தக் காரியங்களை எங்களுக்குச் சொல்வார். ஆனால் நீர் யார்?"
   அவர் சொன்னார், "நானே அவர்."
    116 அவள் அந்தத் தண்ணீர்க் குடத்தைக் கீழே போட்டுவிட்டு அங்கிருந்து ஓடினாள். அவளுடைய ஆத்துமாவில் பொங்கியெழுந்த ஒரு கிணற்றிலிருந்து அவள் குடித்தாள். அவள் நகரத்திற்குள் ஓடிச் சென்று, "நான் செய்த எல்லாவற்றையும் எனக்குச் சொன்ன ஒரு மனிதரைப் பாருங்கள். அவர் மேசியாவாக இருக்கக் கூடாதா?" என்றாள்.
    117 அதுதான் நேற்றைய அவர். அதுதான் இன்றைய அவர். அது என்றென்றைக்கும் அதேதான். "இயேசு கிறிஸ்து நேற்றும், இன்றும், என்றென்றைக்கும் மாறாதவர்." நாம் ஏன் தாமதிக்கிறோம்? நாம் ஏன் ஆச்சரியப் படுகிறோம்? தேவன் குணப்படுத்துவாரா இல்லையா என்று நாம் ஆச்சரியப்படுகிறோமா? அவர் ஆயிரக்கணக்கானவர்களைக் குணப் படுத்துவதை நாம் பார்த்திருக்கிறோம், குருடர், வியாதியஸ்தர், முடவர், நடக்க முடியாதவர். இறந்தவர்கள், இறந்துவிட்டதாக அறிவிக்கப் பட்டவர்கள், விசுவாச ஜெபத்தின் வல்லமையால் மீண்டும் உயிர்ப்பிக்கப் படுகிறார்கள். பரிசுத்த ஆவியானவர் வெளிப் படுத்துகிறார், மேலும் நூற்றுக்கணக்கானவர்கள் குணமடைகிறார்கள், குருடான கண்கள், செவிடான காதுகள். உலகம் அதைப் புறக்கணிக்க முயற்சிக்கிறது. அவர்கள் அதை உதறித் தள்ள முயற்சிக்கிறார்கள், ஆனால் அவர்களால் முடியாது. அது மீண்டும் திரும்பி வருகிறது. அது அவர்களுக்கு முன்பாக இருக்கிறது. உங்கள் கைகளிலிருந்து அவரை உங்களால் உதறித் தள்ள முடியாது.
    118 நாற்பது ஆண்டுகளுக்கு முன்பு பெந்தெகோஸ்தே முதன்முதலில் தோன்றிய போது, அவர்கள் சொன்னார்கள், "இது நிலைக்காது. இது ஒரு புனிதக் கோமாளிகளின் (holy-rollers) கூட்டம்." நிலைக்காதா? இதுதான் உலகில் வேகமாக வளர்ந்து வரும் சபை. கடந்த ஆண்டு இது பதினைந்து இலட்சம் மதம் மாறியவர்களை உருவாக்கியது, இது மற்ற அனைத்துச் சபைகளையும் சேர்த்ததை விட அதிகம். கடந்த ஆண்டு, பதினைந்து இலட்சம். அங்கே நீங்கள் பார்க்கிறீர்கள். அது எரியும் ஒன்றல்ல. அது எரிந்து அணைந்து போகவில்லை. அது எரிந்துகொண்டிருக்கிறது, மேலே. ஆம்.
    119 அவர்கள், "அவர்கள் பைத்தியக்காரர்கள்" என்கிறார்கள். அவர்கள் மக்களை அவர்களை விட்டுப் பிரிக்க முயற்சிக்கிறார்கள். அவர்கள் மக்களை இழுத்துச் செல்ல முயற்சிக்கிறார்கள், "அந்தக் கூட்டத்தை விட்டு விலகிச் செல்லுங்கள். அவர்களுடன் முட்டாள்தனமாக இருக்காதீர்கள். அதில் ஒன்றுமில்லை. அதை விட்டு விலகிச் செல்லுங்கள்."
    120 இருந்தாலும், "நான் உயர்த்தப்பட்டால், எல்லாரையும் என்னிடத்தில் இழுத்துக் கொள்வேன்." பரிசுத்த ஆவியின் முழுக் காட்டுதலின் ஒரு பெரிய அடையாளம் வெளிப்பட்டபோது, அவர்கள் அந்நிய பாஷைகளில் பேசினார்கள், அவர்கள் அதை நம்பினார்கள். பல நூற்றுக்கணக்கான மற்றும் நூற்றுக்கணக்கான மக்கள் அதில் குவிந்தார்கள். பின்னர் அது ஒரு இடத்திற்கு வந்தபோது, அவர்கள் அதை உதறித் தள்ள முயன்றார்கள், தேவன் நேராக உள்ளே நுழைந்து அதற்கு மேலாக வியாக்கியானங்களைக் கொடுத்தார். பிறகு அவர்கள் அதை முடித்தவுடன், தேவன் அதற்குப் பின்னால் தீர்க்கதரிசனத்தை அனுப்பினார்.
    121 அவர் சொன்னார், "உங்களுக்குள் கல்லாதவன் ஒருவன் இருந்து, ஒருவன் அந்நிய பாஷையில் பேசினால். ஆனால் ஒருவன் தீர்க்கதரிசனம் சொல்லி, இருதயத்தின் ரகசியங்களை வெளிப்படுத்தினால், அவர்கள் அனைவரும் கீழே விழுந்து, 'தேவன் மெய்யாகவே உங்களோடிருக்கிறார்' என்று சொல்வார்கள்." அது என்ன? அந்த மேசியானிக் அடையாளம் மீண்டும் உள்ளே வருகிறது. ஆம், ஐயா. ஒருவன் இருதயத்தின் ரகசியத்தை வெளிப்படுத்தினால், சபை முழுவதுமே, "மெய்யாகவே தேவன் உங்களோடிருக்கிறார்" என்று சொல்லும். மேசியானிக் அடையாளம், அதுவாகத்தான் இருக்கும். நாம் அதைப் பார்க்கிறோம். அவர்கள் எவ்வளவு அதிகமாக உதறித் தள்ள முயற்சிக்கிறார்களோ, அவ்வளவு அதிகமாக தேவன் செய்யப் போகிறார்.
    122 மேலும் ஒருநாள் அவர்களை உலுக்கிப் பார்ப்பதில் அவருக்குச் சலிப்பு ஏற்படப் போகிறது. அந்தச் சபையை அங்கும் இங்கும் தள்ளுவதில் அவருக்குச் சலிப்பு ஏற்படப் போகிறது. அவர் அப்படிச் செய்யும்போது, அவருக்குப் போதுமென்றாகிவிடும், அவர் நியாயத்தீர்ப்பின் ஒரு சரத்தைத் திருப்பப் போகிறார். அவர் ஒரு நித்திய கரத்துடன் கீழே நீட்டி தமது சபையை எடுத்துக்கொள்ளப் போகிறார். அவள் பறந்து செல்வாள், ஓ, மகிமை, காலையில் பறந்து செல்வாள். ஓ, ஆச்சரியம்! நான் அங்கே இருக்க விரும்புகிறேன். நான் இருப்பேன். அந்த அதிகாலையில் அவள் காலையின் செட்டைகளை எடுத்துக்கொண்டு தன் நேசரின் கரங்களுக்குள் பறந்து செல்லும் அந்த நாள் எவ்வளவு அற்புதமான நாளாக இருக்கும்!
    123 இன்று, நாம் வாழ்கிறோம். நாம் ஏன் கவலைப்படுகிறோம்? நீங்கள் ஏன் ஆச்சரியப் படுகிறீர்கள்? நீங்கள் ஏன் காத்திருக்கிறீர்கள்? பேசி முன்னேறிச் செல்லுங்கள். கூக்குரலிட்டு, "ஓ ஆண்டவரே, இன்று குணமாக்குவது உம்முடைய சித்தமா?" என்று சொல்லாதீர்கள்.
    124 "நிச்சயமாக, இது உமது சித்தம்." கர்த்தர் உரைக்கிறதாவது, இது அவருடைய சித்தம்.
    125 "இன்று நான் பரிசுத்த ஆவியானவரைப் பெற முடியுமா? அற்புதங்களின் நாட்கள் கடந்துவிட்டதா?" நிச்சயமாக அற்புதங்களின் நாட்கள் இங்கே இருக்கிறது, என்றென்றைக்கும். பரிசுத்த ஆவியானவர் இங்கே இருக்கிறார்.
    "இன்று மனிதர்கள் அந்நிய பாஷைகளில் பேசுகிறார்களா?" வேதாகமம் அப்படிச் சொல்கிறது.
    "விசுவாசிக்கிறவர்களால் நடக்கும் அடையாளங்களாவன."
    126 "மனிதர்கள் செய்தியை வியாக்கியானப் படுத்துகிறார்களா?" வேதாகமம் அவர்கள் அதைச் செய்கிறார்கள் என்று கூறுகிறது. அது காரியத்தை முடித்துவிட்டது.
    127 கர்த்தர் உரைக்கிறதாவது, பேசுங்கள். அழாதீர்கள். பேசி முன்னேறிச் செல்லுங்கள். தேவன் அழுமூஞ்சிக் குழந்தைகளின் ஒரு கூட்டத்தை விரும்பவில்லை. முதுகெலும்புள்ள மனிதர்களை அவர் விரும்புகிறார். விரும்பும்-எலும்புகளை அல்ல (wish-bones), "எனக்கு அது இருந்திருக்கலாம் என்று விரும்புகிறேன். நான் இதைச் செய்ய முடியும் என்று விரும்புகிறேன்." பிளவுகளில் நிற்கக்கூடிய முதுகெலும்புகள், ஆமென், வெற்றியை உரிமை கொண்டாடுங்கள், இருளின் மத்தியில் அவர்கள் அழைக்கப் பட்டவர்கள் என்று உரிமை கொண்டாடுங்கள். எவர் என்ன சொன்னாலும் பரவாயில்லை, நாம் பேசி முன்னேறிச் செல்கிறோம்.
    128 செய்தியை நம்புங்கள். தேவன் இங்கே இருக்கிறார். அவர் தமது செய்தியை மெய்ப்பிப்பார். தேவன் இங்கே இருக்கிறார். அவர் அன்று கலிலேயாவில் இருந்த அதே தேவனாகவே இருக்கிறார். அவர் மோசேயின் நாட்களில் இருந்த அதே தேவனாகவே இருக்கிறார். அவர் தவற மாட்டார். நீங்கள் அதை நம்புகிறீர்களா? பரிசுத்த ஆவியானவர் வந்திருக்கிறார், பரிசுத்த ஆவியானவரின் அடையாளங்கள்.
    129 இயேசு சொன்னார், "நான் என் பிதாவின் கிரியைகளைச் செய்யாதிருந்தால், நீங்கள் என்னை நம்ப வேண்டாம். ஆனால் நான் என் பிதாவின் கிரியைகளைச் செய்தால், நீங்கள் என்னை நம்புங்கள்."
    130 கிணற்றருகே இருந்த பெண்ணிடம் அவளுக்கு இருந்த பிரச்சனையைப் பற்றி அவர் சொன்னபோது, அவள் சொன்னாள், "அதுதான் மேசியா."
    131 அவர் சொன்னார், "என்னிடத்தில் விசுவாசமாயிருக்கிறவன், நான் செய்கிற கிரியைகளை அவனும் செய்வான். நான் பிதாவினிடத்திற்குப் போகிறபடியினால் இவைகளை விட அதிகமானவைகளையும் அவன் செய்வான்." இப்பொழுது, கிங் ஜேம்ஸ் மொழிபெயர்ப்பில் "பெரிய" என்று உள்ளது. நீங்கள் மூல மொழியை எடுத்துக் கொண்டால், அது "பெரிய" என்று கூறவில்லை. இதைவிடப் பெரியது எதைச் செய்ய முடியும்? அவர் இயற்கையை நிறுத்தினார். அவர் வியாதிப் பட்டவர்களைக் குணமாக்கினார். அவர் மரித்தோரை எழுப்பினார். அவர் குஷ்ட ரோகிகளைச் சுத்தமாக்கினார். ஓ, அவர் எல்லாவற்றையும் செய்தார். ஆனால் அவர் சொன்னார், "நீங்கள் இதை விட அதிகமாகச் செய்வீர்கள். ஏனெனில் நான் உங்களோடிருப்பது மட்டுமல்ல, உலகத்தின் முடிவுபரியந்தமும் நான் உங்களுக்குள் இருப்பேன்." நீங்கள் அதை நம்புகிறீர்களா? 
   நாம் ஜெபிப்போம்.
    132 கர்த்தராகிய இயேசுவே, உலகத்தில் உள்ள எல்லாப் போதகர்களும் பேசக்கூடியதை விட, உம்மிடமிருந்து வரும் ஒரு வார்த்தை அதிக அர்த்தமுள்ளதாக இருக்கும். ஒரு வார்த்தை மட்டும், ஆண்டவரே, பேசுங்கள். "அழாதே. பேசு! முன்னேறிச் செல்."
    133 ஒருநாள் நீர் மலையிலிருந்து கீழே இறங்கி வருவதை என்னால் பார்க்க முடிகிறது. நீர் பசியாக இருந்தீர். நீர் ஒரு மரத்தைப் பார்த்தீர். அங்குச் சில அத்திப்பழங்களைக் காண நீர் எதிர்பார்த்தீர், ஆனால் அங்கு அத்திப்பழங்கள் இல்லை. நீர் அந்த மரத்தைப் பார்த்து, "நீ இனி ஒருபோதும் அத்திப்பழங்களைக் கொடுக்க மாட்டாய்" என்று சொன்னீர். அவர் விலகி நடந்தார்.
    134 மறுநாள், சுமார் மதியம், அவர்கள் கடந்து சென்றபோது, அந்த மரம் பட்டுப்போகத் தொடங்கியிருந்தது. பேதுரு என்ற பெயருள்ள அப்போஸ்தலர்களில் ஒருவர், "இதோ மரத்தைப் பாருங்கள், நீர் அதைச் சபித்ததிலிருந்து அது எவ்வளவு சீக்கிரமாகப் பட்டுப்போகிறது" என்றார்.
    135 அவர் சொன்னார், "மெய்யாகவே நான் உங்களுக்குச் சொல்லுகிறேன், நீங்கள், நீங்கள் இந்த மலையைப் பார்த்து, 'நீ பெயர்ந்து சமுத்திரத்திலே தள்ளுண்டுபோ' என்று சொல்லி, உங்கள் இருதயத்தில் சந்தேகப்படாமல், நீங்கள் சொன்னது நடக்கும் என்று விசுவாசித்தால், நீங்கள் சொன்னதை நீங்கள் பெற்றுக் கொள்ளலாம்."
    136 ஓ தேவனே, என்ன ஒரு வாக்குத்தத்தம்! இது யாரிடமிருந்து வந்தது? வானங்களையும் பூமியையும் சிருஷ்டித்தவரிடமிருந்து. "அவர் உலகத்தில் இருந்தார், உலகம் அவராலே உண்டாக்கப்பட்டது, உலகம் அவரை அறியவில்லை."
    137 இந்த வாக்குத்தத்தத்திற்காக நாங்கள் உமக்கு நன்றி கூறுகிறோம், ஆண்டவரே, "என்னிடத்தில் விசுவாசமாயிருக்கிறவன், நான் செய்கிற கிரியைகளை அவனும் செய்வான்."
    138 இப்போது, பிதாவே, இந்த... இந்தச் செய்தியைப் பின்பற்றுவதற்காக, இன்றிரவு நீர் பேசினால், இயற்கைக்கு அப்பாற்பட்ட காரியங்களில் ஏதோ ஒன்றைச் செய்வீராக.
    139 ஒருவேளை இங்கே இருக்கும் யாராவது, நீர் இன்னும் அந்த முறையில் வாழ்கிறீர் என்ற எண்ணம் ஒருபோதும் இல்லாதவர்கள், நீர் உயிர்த்தெழுந்தீர் என்று நம்பலாம், "பரலோகம் என்று அழைக்கப்படும் வெகு தொலைவில் உள்ள ஒரு தேசத்தில், நீர் அங்கே வாழ்ந்து, எங்கள் விசுவாசப் பிரமாணங்கள் மற்றும் பிற காரியங்களுக்காக அனைத்தையும் அங்கிருந்து கட்டளையிடுகிறீர்" என்று நம்பலாம். பைபிளைக் கற்றுக்கொள்ளாத காரணத்தினால் மட்டுமே, ஒரு நபர் அதை ஏற்றுக்கொள்வது எவ்வளவு முட்டாள்தனமானது.
    140 நீர் சொன்னீர், "உலகத்தின் முடிவுபரியந்தம் நான் உங்களோடிருப்பேன். நான் உங்களுக்குள் இருப்பேன், நான் செய்கிற கிரியைகளை நீங்களும் செய்வீர்கள். கிரியைகளைச் செய்வது நானல்ல, எனக்குள் வாசமாயிருக்கிற பிதாவே." நீர் சீஷர்களிடம் சொன்னீர், "நீங்கள் என்ன பேச வேண்டும் என்று கவலைப்பட வேண்டாம். பேசுவது நீங்கள் அல்ல. உங்களுக்குள் இருக்கும் ஆவியானவரே பேசுகிறார்." ஓ, மகா பரிசுத்த தேவனே, இந்த வாக்குத்தத்தங்களுக்காக நாங்கள் உமக்கு எவ்வளவு நன்றி கூறுகிறோம்! அதை அறிந்து நான் மிகவும் மகிழ்ச்சியடைகிறேன்!
    141 எனக்கு ஏற்கனவே ஐம்பது வயதாகிவிட்டது, காலத்தின் நிழல்களில் இங்கே வாழ்ந்துகொண்டிருக்கிறேன் என்பதை அறிந்துகொள்வதில் என் இருதயம் சிலிர்க்கிறது. என் வாழ்க்கையின் மாலை நேரத்திலும், உலக வரலாற்றின் மாலை நேரத்தைப் பார்ப்பதிலும், கர்த்தராகிய இயேசுவின் வருகைக்கு அருகில், இந்த மாபெரும் சத்தியம் என் நெஞ்சில் தங்கியிருக்கிறது என்பதை அறிவதிலும். அது நெருப்பைப்போல எரிகிறது. அது சொல் லொணாததும் மகிமை நிறைந்ததுமான சந்தோஷமாகும். உலகத்தைப் பார்த்து, "ஓ, காலம் கடந்துபோவதற்கு முன்பே, அவரை ஏற்றுக்கொள்ளுங்கள்" என்று சத்தமிட்டு அழைக்கிற ஒரு வைராக்கியம் அங்கே இருக்கிறது.
    142 ஆண்டவரே, இன்றிரவு, கிறிஸ்து நமக்கு அளித்த பரிபூரண மாதிரி, அவருடைய உயிர்த்தெழுதலின் வல்லமையில் இன்றிரவு நம்மிடம் திரும்பி வர வேண்டும் என்று அருளுங்கள். அதை அருளுங்கள், ஆண்டவரே, தேவனுடைய மகிமைக்காக. இயேசுவின் நாமத்தில் இதைக் கேட்கிறோம். ஆமென்.
  நான் அவரை நேசிக்கிறேன், நான் அவரை நேசிக்கிறேன்
  ஏனென்றால் அவர் முதலில் என்னை நேசித்தார் 
  கல்வாரி மரத்தில் 
  என் இரட்சிப்பை விலைக்கிரயமாக வாங்கினார். 
  நான்...
   இப்பொழுது ஆராதனை ஆவிக்குள் வாருங்கள்.
   ...நான் அவரை நேசிக்கிறேன் 
  ஏனென்றால் அவர் முதலில் என்னை நேசித்தார் 
  கல்வாரி மரத்தில் 
  என் இரட்சிப்பை விலைக்கிரயமாக வாங்கினார்.
    [சகோதரர் பிரன்ஹாம் ஐ லவ் ஹிம் (நான் அவரை நேசிக்கிறேன்) என்று முனகுகிறார்]
    143 ஆண்டவரே, ஓ ஆண்டவரே, இப்போது வாருங்கள். நாங்கள் உம்மை நம்புகிறோம். எங்களை அபிஷேகம் செய்யவும், உமது ஊழியக்காரரை அபிஷேகம் செய்யவும் நாங்கள் உம்மைக் கேட்டுக்கொள்கிறோம், ஆண்டவரே. என் கண்களையும் என் உதடுகளையும், என்-என் மனதையும், என்-என் புத்தியையும் எடுத்து, உமது மகிமைக்காகப் பயன்படுத்திக் கொள்ளுங்கள். உமது ஊழியக்காரர் மூலமாகப் பேசுங்கள், ஆண்டவரே. சபையினரின் காதுகள் வழியாகக் கேளுங்கள். மகிமையைக் கொடுங்கள். உமது நாமத்திற்கு மகிமையைக் கொண்டு வாருங்கள், ஆண்டவரே. இந்த ஆராதனை முடியும் போது, நம் மத்தியில் பெலவீனமான நபர் எவரும் இருக்கக்கூடாது.
    144 இப்போது, ஆண்டவரே, நான் மக்களிடம் பேசிவிட்டேன். இப்போது, நீர் பேசுங்கள், நீர் எங்களுடன் இருக்கிறீர் என்று உங்களை நம்பி நாங்கள் முன்னேறிச் செல்வோம். "சிறிய மந்தையே, பயப்படாதே, ராஜ்யத்தை உங்களுக்குக் கொடுப்பது உங்கள் பிதாவின் பிரியமாயிருக்கிறது." நாங்கள் அதை நம்புகிறோம், பிதாவே. இப்போது, ஆராத னையை எடுத்துக்கொள்ளுங்கள், ஆண்டவரே. என்னால் இவ்வளவு தூரம்தான் செல்ல முடியும். இனிமேல் உம்மால் தான் முடியும், ஆண்டவரே. இயேசு கிறிஸ்துவின் நாமத்தில், எனக்கு உதவுங்கள். ஆமென்.
    145 [ஒலிநாடாவில் காலியிடம். சகோதரர் ஜாக்சன் தீர்க்கதரிசனம் உரைக்கிறார்] ஆமென்.
    146 இப்போது, அதுதான் தீர்க்கதரிசன ஆவி என்று அழைக்கப்படுகிறது, அது வெவ்வேறு நபர்கள் மீது இறங்குகிறது. காண்கிறீர்களா? இப்போது, அவர் ஒரு "வாக்குத்தத்தம்" அளித்தார், அவர் நமக்கு ஒரு வாக்குத்தத்தம் அளித்தார், அதாவது அவர் இங்கே இருக்கிறார் என்று அர்த்தம். காண்கிறீர்களா? இப்போது, ஜூனி ஒரு கூச்ச சுபாவமுள்ள சிறிய மனிதர். அவர் அப்படிப் பேசுவது அவரைப் போன்றதல்ல, ஆனால், அபிஷேகம் பிடிக்கும்போது, நீங்கள் காண்கிறீர்கள், அப்போது அது ஒரு வித்தியாசமான காரியமாகும். அது சரிதான். அது, சில நேரங்களில், தேவனுடைய ஆவியானவர் இருபுறமும் கருக்குள்ள பட்டயத்தைப் போல வெட்டுகிறார், நீங்கள் காண்கிறீர்கள், அது காரியங்களைச் செய்கிறது. இப்போது, இந்தக் காரியங்களைக் காண்பதற்கு, நாங்கள் தேவனுக்கு நன்றி கூறுகிறோம்.
    147 இப்போது, ஜூனியும் பில்லியும் சிறிது நேரத்திற்கு முன்பு இங்கே அமர்ந்திருந்தார்கள் என்று நான் நம்புகிறேன். அது சரியா?... ஜெப அட்டைகளைக் கொடுக்க அல்லது ஏதோ வொன்றுக்கு, ஆம். "சிலர் வந்திருக்கிறார்கள்" என்று சொன்னார். வெளியிலிருந்தும் மற்ற இடங்களிலிருந்தும் இன்னும் கொஞ்சம் பேரை நாங்கள் எதிர்பார்த்தோம், ஆனால் அவர்கள் அதிகம் பேர் இல்லை என்று சொன்னார்கள். எனவே இப்போது நம்மிடம் உள்ளவர்களை, ஒருவேளை, ஒரே நேரத்தில் வரிசையாக நிறுத்துவோம்.
    148 நாம் முதலாவது எண்ணிலிருந்து தொடங்கி, மக்கள் அனைவரையும் வரிசையாக நிறுத்தி, அவர்கள் ஒவ்வொருவருக்காகவும் ஜெபிப்போம். எனவே ஜெப வரிசையில் கர்த்தர் நமக்கு ஏதேனும் வெளிப்படுத்துகிறாரா என்று பார்ப்போம். நாம் முதலாவது எண்ணிலிருந்து தொடங்கி, குழுவை வரிசையாக நிறுத்துவோம். முதலாவது எண் அட்டை யாரிடம் உள்ளது? நீங்கள் வருகிறீர்களா? [ஒலிநாடாவில் காலியிடம்]
  பரிதபிக்கிற இயேசு, 
  தளர்ந்த இருதயத்தை உற்சாகப்படுத்த அவர் பேசுகிறார்,
  ஓ, இயேசுவின் குரலைக் கேளுங்கள்.
  தேவதூதர்களின் பாடலில் இனிமையான சுரம், 
  மரண மனிதனின் நாவில் இனிமையான நாமம், 
  என்றென்றும் பாடப்பட்ட இனிமையான கீதம், 
  இயேசு, ஆசீர்வதிக்கப்பட்ட இயேசு.
    149 நான் வரிசையைப் பார்த்துக் கொண்டிருந்தேன். எனக்கு உறுதியாகத் தெரியவில்லை, அங்கே யாரும் இருக்கிறார்கள் என்று நான் நினைக்கவில்லை...
    150 இங்கே நிற்கும் இந்தப் பெண், இன்று காலை என்னிடம் பேசினாள், அவள் எங்கிருந்தோ இங்கு வந்திருப்பதாகவும், கூட்டங்களில் ஒருமுறை அவள் குணமடைந்தி ருப்பதாகவும் என்னிடம் சொன்னாள், ஆனால் அவளைப் பற்றி அவள் எதுவும் சொல்லவில்லை. கூட்டங்களில் ஒருமுறை குணமடைந்ததாக மட்டும் அவள் சொன்னாள். அது சரி என்று நான் நம்புகிறேன்.
    151 அவளுக்குப் பின்னால் இருக்கும் நபர், அவர்கள் இருவரில் எவரையும் எனக்குத் தெரியும் என்று நான் நம்பவில்லை. அல்லது, இந்தப் பெண், எனக்குத் தெரியாது.
    152 சகோதரி ஃபங்க் எனக்குத் தெரியும். இங்கே உள்ள இவர்தான் எனக்குத் தெரிந்தவர், இங்கே. இதுவரை அங்கு இருப்பவர்களில் எனக்குத் தெரிந்த ஒரே நபர் இவர்தான்.
    153 இப்போது, யாராவது வரிசையில் வந்தால், எனக்கு அவர்களைத் தெரிந்திருந்தால், நான் ஜெபத்தைத் தவிர, வேறெதுவும் சொல்லாமல் இருக்க முயற்சிப்பேன். ஏனென்றால், அந்த மக்கள் அதை என்னிடம் சொன்னார்கள் என்று நீங்கள் நினைப்பீர்கள்.
    154 ஆனால், இப்போது, பரிசுத்த ஆவியானவர் ஏதேனும் சொல்வாரா என்று நமக்குத் தெரியாது. அவர் சொல்லாமலும் இருக்கலாம். ஆனால் இங்கே ஒரு பரிபூரணமான, பரிபூரணமான...
    155 சகோதரரே, இப்போது, ஒன்று, ஏதோவொன்றைச் சொல்வது; மற்றொன்று, அது நிரூபிக்கப்படுவதைப் பார்ப்பது. "எல்லாவற் றையும் சோதித்துப் பாருங்கள்," (a, double l) "எல்லாவற்றையும்." பின்பு, "நலமானதைப் பிடித்துக்கொள்ளுங்கள்" என்று வேதாகமம் கூறுகிறது.
    156 இப்பொழுது, இயேசு கிறிஸ்து நேற்றும், இன்றும், என்றென்றைக்கும் மாறாதவராக இருந்து, அவர் மாறாதவராக இருந்தால், அவர் தமது சபையில், இப்போது இருப்பவராகச் செயல்பட வேண்டும். கிறிஸ்து தேவனுடைய ஆவியானவர் என்பதை எத்தனை பேருக்குத் தெரியும்? நாம் அனைவருக்கும் அது தெரியும். அவர் அபிஷேகம் பண்ணப்பட்டவர். இயேசு அபிஷேகம் பண்ணப்பட்டவராக இருந்தார்.
    157 மூன்று அல்லது நான்கு வெவ்வேறு தேவர்கள் இருப்பதாக நம்பும் மக்கள் எங்கு எல்லாக் குழப்பங்களையும் அடைகிறார்கள் என்பது அங்கேதான் இருக்கிறது. காண்கிறீர்களா?
    158 தேவன் ஒரு ஆவியானவர். இயேசு தேவனுடைய ஆவியானவர் வாசம்பண்ணிய சரீரமாக இருந்தார்; அவரை இம்மானுவேலாக ஆக்கினார், தேவன் பூமியில் வாசம்பண்ணினார். அவர் தேவனாக இருந்தார். இயேசு கிறிஸ்து தேவனாக இருந்தார், என்றாலும் அவர் தேவனுடைய குமாரனாக இருந்தார். அவருடைய மாம்சம் தேவனுடைய குமாரனாக இருந்தது, ஏனென்றால் தேவன் அதைப் படைத்தார், ஆனால், உள்ளே, அவர் தேவனாக இருந்தார். "நானல்ல," என்று இயேசு சொன்னார், "கிரியைகளைச் செய்வது. எனக்குள் வாசமாயிருக்கிற என் பிதாவே." "நான் பிதாவிலும், பிதா என்னிலும் இருக்கிறதையும்; நான் உங்களிலும், நீங்கள் என்னிலும் இருக்கிறதையும் அந்நாளிலே நீங்கள் அறிவீர்கள்." அங்கே நீங்கள் பார்க்கிறீர்கள்.
    159 இப்போது, இந்தப் பெண்... என்று நான் நம்புகிறேன். எனக்கு அவளைத் தெரியாது. எனக்குத் தெரியும் என்று நான் நினைக்கவில்லை. எனக்குத் தெரிந்திருந்தால், இ-இ-இப்போது எனக்கு உங்களைத் தெரியாது. நான்-நான் உங்களை மறந்துவிட்டேன். அது சரி என்று நினைக்கிறேன். ஆம். அது சரிதான்.
    160 அங்கே உள்ள அந்தப் பெண், எனக்கு அவளைத் தெரியும் என்று நான் நம்பவில்லை; இந்தப் பெண், அல்லது அந்தப் பெண். சகோதரி ஃபங்க் தவிர வேறு யாரையும் எனக்குத் தெரியும் என்று நான் நம்பவில்லை. அது ஏறக்குறையச் சரியென்றால், உங்கள் கைகளை உயர்த்துங்கள். நான்... அது சரிதான். சரி, ஐயா.
    161 எனக்கு உங்களைத் தெரியாது, ஆனாலும் நீங்கள் வியாதியாக இருக்கிறீர்கள் என்று அங்குள்ள எத்தனை பேருக்குத் தெரியும்? உங்கள் கையை உயர்த்தி, "நா-நான் ஜெபிக்க விரும்புகிறேன். நான்..." என்று சொல்லுங்கள். பரிசுத்த ஆவியானவர் உங்களைத் தொட்டு, உங்களுக்காக ஏதேனும் செய்ய முடியும் என்று நீங்கள் நம்பினால், உங்கள் கையை உயர்த்தி, "நா-நா-நான் ஜெபத்தின் தேவையில் இருக்கிறேன்" என்று சொல்லுங்கள். உங்கள் கையை உயர்த்துங்கள். தேவன் உங்களை ஆசீர்வதிப்பாராக. அங்கே இரண்டு பேர். இங்கே உள்ள பெண்மணி. சரி. சிலர், பின்னால் ஒரு பெண்மணி. இப்போது, நீங்கள் இங்கே மேலே இருக்க வேண்டியதில்லை.
    162 ஒருமுறை ஒரு பெண்மணி அவருடைய வஸ்திரத்தைத் தொட்டாள். அவர் திரும்பிப் பார்த்து, "என்னைத் தொட்டது யார்?" என்றார். 
   மேலும், ஏன், அவர்கள், "எல்லாரும் உம்மைத் தொட்டுக்கொண்டிருக்கிறார்களே" என்றார்கள்.
    163 அவர் சொன்னார், "ஆனால் நான் பெலவீனமடைந்திருக்கிறேன். வல்லமை என்னிடத்திலிருந்து புறப்பட்டது." அவர் சொன்னார், "நான் பெலவீனமடைந்தேன். வல்லமை... வல்லமை என்னிடத்திலிருந்து புறப்பட்டதை நான் அறிகிறேன்." அந்தப் பெண்ணைக் கண்டுபிடிக்கும் வரை அவர் சுற்றிலும் பார்த்து, அவளுடைய இரத்தப்போக்கைப் பற்றி அவளிடம் சொன்னார்.
    164 அவள் சொன்னாள், "அது நின்றுவிட்டது." அது சரியா? அந்த இரத்தப்போக்கு நின்றுவிட்டது, ஏனென்றால் அவள் இயேசு கிறிஸ்துவை நம்பினாள். எவ்வளவு அழகாக இருக்கிறது! அது ஒரு...
    165 மேலும் இயேசு கிறிஸ்து ஒரு பிரதான ஆசாரியராக இருக்கிறார், இன்றிரவு, நமது பலவீனத்தின் உணர்வால் அவர் தொடப்பட முடியும். அவரைத் தொடுங்கள். அதை நம்புங்கள். எனக்குத் தெரியும், ஆனாலும் உங்களுக்கு என்ன பிரச்சனை என்று எனக்குத் தெரியாது, ஆனால் தேவன் உங்களைக் குணப்படுத்த வேண்டும் என்று நீங்கள் விரும்புவது எத்தனை பேருக்குத் தெரியும்? உங்கள் கையை உயர்த்துங்கள். ஊ-ஹூம். அவ்வளவுதான்.
    166 இப்போது இந்த வழியில் பார்த்து, நம்புங்கள். விசுவாசம் வையுங்கள். இப்போது, இயேசு அப்படியே இருக்கிறார் என்று வேதாகமம் கோருகிறது, அவர் செய்த கிரியைகள் அவரை விசுவாசிக்கிறவர்களால் செய்யப்படும் என்று கோருகிறது, குறிப்பாகக் கடைசி நாட்களில். நாம் கடைசி நாட்களில் வாழ்ந்துகொண்டிருக்கிறோம் என்பதை நீங்கள் நம்புகிறீர்களா?
    167 இப்போது, நினைவில் வையுங்கள். அறிவாளிகளுக்குத் தேவனுடைய அடையா ளங்கள் முட்டாள்தனமானவை. குழந்தைகளைப் போல, அதை வெளிப்படுத்த ஆவிக்குரிய தன்மை தேவை.
    168 இப்போது, தீர்க்கதரிசி சொன்னார், "ஒரு நாள் வரும்..." இப்போது, அது சுமார் இருபத்தைநூறு ஆண்டுகளுக்கு முன்பு. "அது பகலும் அல்ல இரவும் அல்லாத ஒரு காலம் வரும். அது ஒரு மங்கலான நாளாக இருக்கும். ஆனால் சாயங்கால வேளையிலே வெளிச்சமு ண்டாகும், சூரியன் உதிக்கும்." அந்தத் தீர்க்கதரிசனத்தை எத்தனை பேர் படித்திருக் கிறீர்கள்? நிச்சயமாக. "வெளிச்சம்!"
    169 இப்போது அதற்கென்ன அர்த்தம்? புவியியல் ரீதியாக, சூரியன் கிழக்கில் உதித்து மேற்கில் அஸ்தமிக்கிறது. வரலாற்றை அறிந்த எவருக்கும், நாகரிகம் கிழக்கிலிருந்து மேற்கு நோக்கிப் பயணித்துள்ளது என்பது தெரியும். சீனா நாம் கொண்டிருக்கும் மிகப் பழமையான நாகரிகமாகும். சரி. கிழக்கிலிருந்து மேற்கு நோக்கி, நாகரிகம் சென்றுள்ளது. இப்போது, கிழக்கும் மேற்கும் சந்தித்துவிட்டன. நாம் மிகவும் நாகரிகமான உலகமாக இருக்கிறோம், அப்படித்தான் கருதப்படுகிறது. மிகவும் நாகரிகமான மக்கள்... இந்த மேற்கத்திய மக்கள். அவர்கள் மிகவும் நவீனமானவர்கள். அவர்கள் எல்லா நவீன காரியங்களையும் கொண்டு ள்ளனர், மேலும் பல, ஏனென்றால் நாகரிகம் மேற்கு நோக்கிப் பயணித்ததால் அது வளர்ச்சியடைந்துள்ளது.
    170 இப்போது, கீழைத்தேச மக்கள் மீது என்ன இறங்கியது? இயேசு கிறிஸ்து கீழைத்தேச மக்கள் மீது வந்தார், மேலும் பெந்தெகோஸ்தே நாளில் பரிசுத்த ஆவியானவர் வந்தார். அது பெரிய அடையாளங்களையும் அற்புதங்களையும் காட்டியது, பின்பு அது விலகிச் சென்றது.
    171 கிறிஸ்து மரித்து சுமார் 200 ஆண்டுகளுக்குப் பிறகு, அப்போஸ்தலர்களின் இரண்டாவது சுற்றுக்குப் பிறகு ஒரு காலம் வந்தது, பிறகு நைசீயாவிற்கு முந்தைய பிதாக்களின் கூற்றுப்படி, சபையின் புனித வரலாற்றின்படி, அவர்கள் 300-ம் ஆண்டிற்குள் வந்தார்கள், அங்கு அவர்கள் ஆரம்ப பிதாக்கள் என்று அழைக்கப் பட்டவர்களை உருவாக்கினார்கள். இன்று ரோமில் உள்ள ரோமன் கத்தோலிக்க சபை என்று அறியப்படுவதை அவர்கள் உருவாக்கினார்கள். எனவே, அவர்கள் தங்கள் முதல் அமைப்பை உருவாக்கினார்கள். மேலும் ரோம், கத்தோலிக்க சபை அது "தாய்" சபை என்று கூறும்போது, அது அமைப்பைக் கொண்ட சபைகளின் தாய் என்பது முற்றிலும் உண்மையாகும். அமைக்கப்பட்ட முதல் சபை அதுவேயாகும்.
    172 ஐந்நூறு ஆண்டுகள், அது கத்தோலிக்க சபையில் சென்றது, மார்ட்டின் லூதர் வரை. அவர் நற்கருணையைக் கிறிஸ்துவின் நேரடியான சரீரம் என்று அழைக்க மறுத்து, கத்தோலிக்க சபைக்கு எதிர்ப்புத் தெரிவித்தார், அதை எதிர்த்து, நற்கருணையைத் தரையில் வீசினார். அவருக்குப் பிராயச்சித்தமாக, முழங்கால்களில் தவழ்ந்து செல்லும்படி கொடுக்கப்பட்டது, அவர் அதைச் செய்ய மறுத்துவிட்டார். மேலும் நாம் லூத்தரன் சபை என்று அறிந்ததை உருவாக்கினார். அவர்கள் சுதந்திரமான அச்சு ஊடகம், காகிதம் மற்றும் பலவற்றைக் கொண்டிருந்தார்கள்.
    173 பின்னர் அவர்கள் அதை ஒரு அமைப்பாக்கி, கத்தோலிக்க சபை அமைப்பைப் போன்ற ஒரு அமைப்பை உருவாக்கினார்கள். அது பல நூறு ஆண்டுகளாகத் தொடர்ந்தது.
    174 அதன்பின் ஸ்விங்லி வந்தார். ஸ்விங்லிக்குப் பிறகு... அவர்-அவர் ஒரு வகையான-ஒரு புறக்கணிக்கப்பட்டவர். அவர் நம்பினார், "இயேசு தேவனுடைய குமாரனாக இருந்தார், அவர் தேவனுடைய குமாரன் என்று 'அழைக்கப்படும்' அளவுக்கு; ஆனால், 'யோசேப்பின் குமாரன்,' அவர் தெய்வீகமாகப் பிறக்கவில்லை." இப்போது, அந்த-அந்த சுவிஸ் மக்கள் ஸ்விங்லி கோட்பாட்டைக் கடைப்பிடிக்கிறார்கள். 
   அங்கிருந்து கால்வின் வந்தார். கால்வின் முன்னேறிச் சென்றார்.
    175 கால்வினில் இருந்து மற்றவர்கள் வந்தார்கள், ஜான் வெஸ்லியை நாம் காணும் வரை. ஆங்கிலேயர்களின் கல்வினிச சபையின் நாட்களில் அவர் எழும்பினார், அது ஆங்கிலிகன் மக்களாகிய, ஆங்கிலோ-சாக்சன் ஆகும்.
    176 அதிலிருந்து பரிசுத்தக் குழு வெளிவந்தது, அது மெத்தடிஸ்ட் என்று அழைக்கப்படுகிறது. அவர்கள் அப்படிச் செய்தபோது, அவர்கள் மெத்தடிஸ்ட் சபை என்ற பெயரில் ஒரு சபையை உருவாக்கினார்கள். மெத்தடிஸ்ட் சபையிலிருந்து, அதிலிருந்து ஒன்றுக்கு மற்றொன்று வெளிவந்தது. பின்னர் பிரஸ்பிடேரியன் வந்தது, பிரஸ்பிடேரியனிலிருந்து பாப்டிஸ்ட் வந்தது, மற்றும் பாப்டிஸ்ட்டிலிருந்து... ஒன்றுக்கு மற்றொன்று, மற்றும் கீழே, கீழே, கீழே.
    177 கடைசியாக, பெந்தெகோஸ்தே சபை உருவாக்கப்படும் வரை. மேலும் பரிசுத்த ஆவியின் உருவத்தில் வந்த பெந்தெகோஸ்தே ஆசீர்வாதத்தை, அவர்கள் ஒரு அமைப்பாக் கினார்கள். அது முற்றிலும்...
    178 தேவன் ஒருபோதும் ஒரு சபையை அமைப்பாக்கியதில்லை, மேலும் அவர் ஒருபோதும் ஒரு அமைப்பை அங்கீகரித்தார் என்று நான் நம்பவில்லை. வேதாகமம் இதற்கு எதிராகப் பேசுகிறது, மேலும் "வேசி" ஆகிய ரோமன் சபை "அவளுடைய பிள்ளைகளுடன் சுட்டெரிக்கப்படுவாள்" என்று கூறுகிறது. அது முற்றிலும் உண்மையாகும்.
    179 ஆனால் அங்கிருந்து, "பகலுமல்ல இரவுமல்லாத ஒரு மங்கலான நாளாக இருக்கும்" என்று தீர்க்கதரிசி சொன்ன அந்த நாள் வந்துவிட்டது.
    180 அவர்களுக்குப் போதுமான வெளிச்சம் கிடைத்திருக்கிறது, "சரி, நாங்கள் சண்டையி டுகிறோம். நாங்கள் பாப்டிஸ்ட். நாங்கள் லூத்தரன். நாங்கள் இன்னார், நாங்கள் அப்படியானவர்கள்" என்று அவர்கள் சொல்வார்கள், ஏனெனில் வேதாகமத்தில் தாங்கள் கண்டறிந்த சிறிய உண்மைகளைக் கொண்டு அமைப்புகளை உருவாக்கியதால்தான்.
    181 "நீதிமான் விசுவாசத்தினால் பிழைப் பான்" என்பதன் அடிப்படையில் லூதர் ஒரு அமைப்பை உருவாக்கினார். "பரிசுத்தமாக்கப் படுதல், கிருபையின் இரண்டாவது உறுதியான வேலை" என்பதன் அடிப்படையில் ஜான் வெஸ்லி ஒரு அமைப்பை உருவாக்கினார். "பரிசுத்த ஆவியானவரின் அடையாளமாக அந்நிய பாஷைகளில் பேசுதல்" என்பதன் அடிப்படையில் பெந்தெகோஸ்தே ஒரு அமைப்பை உருவாக்கியது. அக்காரியங்கள் அனைத்தும் உண்மையானவையே. அது வெளிச்சம்தான், ஆனால் அது முழுமை யானதல்ல. நீங்கள் ஒரு விசுவாசப் பிரமாணத்தை வரையும்போது, அதோடுதான் நீங்கள் இருக்க வேண்டும். உங்களால் நகர முடியாது. எனவே, பரிசுத்த ஆவியானவர் வெளியேறி வேறு இடத்திற்குச் செல்கிறார், பின்னர் அவர்கள் அதை ஒரு அமைப்பாக்குகிறார்கள். இப்போது, அதுதான் முற்றிலும் புனிதமான வரலாறு.
   ஆனால் இப்போது, "சாயங்கால வேளையிலே வெளிச்சமுண்டாகும்" என்ற நேரம் வந்துவிட்டது.
    182 நாகரிகம் கடந்து வந்துவிட்டது, இப்போது நாகரிகத்தின் மீது சூரியன் அஸ்தமிக்கிறது. முடிவு இங்கே இருக்கிறது. உலகின் முடிவு இங்கே இருக்கிறது. காலத்தின் முடிவு இங்கே இருக்கிறது. சபையின் முடிவு இங்கே இருக்கிறது. எல்லாக் காரியங்களும் முடிவுக்கு வந்துவிட்டன. சூரியன் அஸ்தமிப்பது போலவே... கிழக்கில் உதிக்கும் அதே சூரியன்தான் மேற்கிலும் அஸ்தமிக்கிறது.
    183 "சாயங்கால வேளையிலே வெளிச்ச முண்டாகும்" என்று தேவன் தீர்க்கதரிசியின் மூலமாக வாக்குத்தத்தம் செய்தார். ஆதிகாலத்தில் இயேசு கிறிஸ்துவின் மூலமாகப் பரிசுத்த ஆவியானவரைக் காட்டி, கிழக்குத் திசையில் உதித்த அதே குமாரன் (Son), கடைசி நாளில் மேற்குத் திசையில் பிரகாசிக்கிறார், இயேசு தீர்க்கதரிசனம் உரைத்தபடியே அதே அடையாளங்களைக் காட்டுகிறார். இது... இது வேதவசனங்கள்தான் நண்பரே. ஆனால் நீங்கள் அதைப் பற்றி என்ன நினைக்கிறீர்கள் என்பது உங்களைப் பொறுத்தது, காண்கிறீர்களா.
    184 இதோ ஒரு பெண். இந்த வழியே நடந்து வாருங்கள், சகோதரி, தயவுசெய்து. எனக்குத் தெரிந்தவரை, நான் இந்தப் பெண்ணை ஒருபோதும் பார்த்ததில்லை. எனக்கு அவளைத் தெரியாது. அவள் ஒரு பெண், இங்கே நடந்து வந்திருக்கிறாள். அவள் இந்தச் சபையின் உறுப்பினராக இருக்கலாம். எனக்குத் தெரிந்த வரை, அவள் கூடாரத்தின் உறுப்பினராகவும் இருக்கலாம். எனக்குத் தெரியாது. வெறும் ஒரு பெண்தான், இன்றைய நாளுக்கு முன்பு நான் அவளை எப்போதாவது பார்த்திருக்கிறேனா என்று எனக்குத் தெரியாது. எனக்குத் தெரியாது.
    185 ஆனால் தேவனுக்கு இந்தப் பெண்ணைத் தெரியும். சரி, இப்போது, இயேசு நேற்றும், இன்றும், என்றென்றைக்கும் மாறாதவராக இருந்தால், அவள் ஏதோ ஒரு காரணத்திற்காக இங்கே வந்திருக்கிறாள். அது என்னவென்று எனக்குத் தெரியாது.
    186 இது கிணற்றருகே இருந்த பெண்ணைப் போலவே இருந்தால் எப்படி இருக்கும்? அதே மாதிரியான நிகழ்வாக இருக்க வேண்டி யதில்லை, ஆனால் ஒரு ஆணும் பெண்ணும் இதேபோலச் சந்திக்கும் நிகழ்வாக இது இருக்கலாம். ஒருவேளை இந்தப் பெண் ஒரு விமர்சகராக இருக்கலாம். 
   ஒருவேளை அவள் ஒரு கிறிஸ்தவளாக இருக்கலாம். ஒருவேளை ஏதேனும் ஒன்றைக் கண்டுபிடிப்பதற்காக அவள் சந்தேகத்துடன் இங்கே வந்திருக்கலாம். ஒருவேளை அவள் வியாதியாக இருப்பதால்கூட இங்கே வந்திருக்கலாம். ஒருவேளை அவள் வேறு ஒருவருக்காகப் பதிலாளாக இங்கே நின்றுகொண்டிருக்கலாம். எனக்குத் தெரியாது. அது உண்மைதான். என்னால் உங்களுக்குச் சொல்ல முடியாது, ஆனால் தேவனுக்குத் தெரியும். அப்போது நீங்கள் சொல்வீர்கள்...
    187 இது ஒரு குணமாக்கும் ஆராதனை என்பதால், அவள் வியாதியாய் இருக்கிறாள் என்று வைத்துக்கொள்வோம். ஒருவேளை அவள் வியாதியாய் இருக்கலாம்; இல்லாமலும் இருக்கலாம். ஆனால் அவள் வியாதியாய் இருந்து, ஜெபம் செய்வதற்காக இங்கே நிற்கிறாள் என்றால், அதுபற்றி எனக்கு எதுவும் தெரியாது என்பது தேவனுக்குத் தெரியும். அப்படியானால், எனக்கு இந்தப் பெண்ணைத் தெரியாவிட்டால், அவளைப் பற்றி எனக்கு எதுவும் தெரியாவிட்டால், மேலும் அவள் குணமாவதற்காக இயேசுவைத் தேடி வந்திருந்தால், நான் அவளிடம், "அவருடைய தழும்புகளால் நீ குணமானாய்" என்று இதைச் சொல்வேன்.
    188 இப்போது, குணமாக்கப்படுவது இரட்சிப்பைப் போன்றதுதான். உங்களுக்கு இன்றிரவு இரட்சிப்பு கிடைக்கவில்லை. இயேசு மரித்தபோதே, உங்கள் பாவங்களுக்கான விலையை அவர் செலுத்திவிட்டார். நீங்கள் அதை ஏற்றுக்கொள்கிறீர்கள். காண்கிறீர்களா? அவர் மரித்தபோது, உலகத்தின் பாவங்களை அவர் சுமந்து தீர்த்தார். அவர் மரித்தபோது, ஒவ்வொரு வியாதியஸ்தரையும் அவர் குணமாக்கினார். முழுமையான கடனும் செலுத்தப்பட்டுவிட்டது.
    189 இப்போது, இயேசு கலிலேயாவில் நடந்தபோது இருந்ததைப்போலவே இன்றிரவு ஒரு மனித உருவத்தில் இங்கே இருந்திருந்தால் என்னவாக இருக்கும்? அவர் இந்த உடையை அணிந்துகொண்டு இங்கே நின்றிருந்தால், அவள் நம்முடைய ஆண்டவருக்கு அருகில் அங்கே நின்றிருந்தால் என்னவாக இருக்கும்? அது எப்படி - அது எப்படி... நான் அவருக்கு முன்பாக அப்படி நிற்பதை நிச்சயமாக விரும்புவேன். ஒருவேளை அவள் அங்கே நிற்க, அவர் இங்கே நின்றிருந்தால் என்னவாக இருக்கும்? அவர் அவளைப் பார்த்து, "பெண்ணே, நான்தான் அவர் என்பதை நீ நம்புகிறாயா? நீ நம்பாவிட்டால், நீ அழிந்துபோவாய்" என்று சொல்வாரா?
   அவள், "ஆம், ஆண்டவரே. நீர் அவர்தான் என்று நான் நம்புகிறேன்" என்பாள்.
    "சரி, நீ எதைத் தேடுகிறாய்?"
    "நான் குணமாக்கப்படுவதைத் தேடுகிறேன், ஆண்டவரே."
    190 "என் மகளே, நான் நிறைவேறிற்று என்று சொல்லிக் கடந்தகாலத்தில் மரித்தபோதே நான் அதைச் செய்துவிட்டேன் என்பதை உன்னால் நம்ப முடியவில்லையா? உன் மீறுதல்களினிமித்தம் நான் காயப்பட்டு; என் தழும்புகளால் நீ குணமானாய் என்று எழுதப்பட்ட வேதாகமம் சொல்லவில்லையா?" அதுதான் அது.
    191 நல்லது, இப்போது, அவள் ஆச்சரியப்படுவாள், "அது ஆண்டவர்தானா என்று ஆச்சரியப்படுகிறேன்? அவர்... எவரும் அதைச் சொல்லலாம். எந்த மனிதரும் அதைப் பிரசங்கிக்கலாம், ஏனென்றால் அது வேதாகமத்தில் உள்ளது. ஆனால் அது உண்மையாகவே அவராக இருந்தால், அவர் என் இருதயத்தை அறிந்திருப்பார், ஏனென்றால் அவர் கிணற்றருகே இருந்த பெண்ணின் இருதயத்தை அறிந்திருந்தார். மேலும் அவர் அதே காரியத்தை வாக்குத்தத்தம் செய்திருந்தார்."
    192 இப்போது, அவர் மாம்ச உருவத்தில் திரும்பி வந்து அதைச் செய்வார் என்று ஒருபோதும் சொல்லவில்லை, ஆனால் நமக்குள்ளே வாசம்பண்ணும்படியாக அவர் பரிசுத்த ஆவியானவரை அனுப்புவார் என்றும், அந்தப் பரிசுத்த ஆவியானவர் இருதயத்தின் ரகசியங்களை வெளிப்படுத்துவார் என்றும் சொன்னார். "ஏனென்றால் அவர் வரப்போகிற காரியங்களை உங்களுக்கு அறிவித்து, இருதயத்தின் ரகசியங்களை வெளிப்படுத்துவார்." அது உண்மையா? அவர் அதை வாக்குத்தத்தம் செய்திருந்தார். அப்படியானால் அவர் மாறாதவராக இருக்கிறார்.
    193 மேலும் நான்-நான் இதைச் சொல்கிறேன், நம் மத்தியில் இருக்கும் இந்தப் பெரிய ஆவியானவர் பரிசுத்த ஆவியானவர்தான் என்று நான் நம்புகிறேன். இந்த நோக்கத்திற்காகவே அவர் என்னை அழைத்திருக்கிறார் என்று நான் நம்புகிறேன். இது இன்று காலை இரட்சிக்கப்பட்ட மனிதனை விட என்னைச் சிறந்தவனாக் கவில்லை; உங்கள் ஊழியக்காரன், உங்கள் சகோதரன். இது உங்களைவிட என்னைக் குறைந்தவனாக்குகிறது, ஏனென்றால் நான் உங்களுக்குச் சேவை செய்ய அனுப்பப் பட்டிருக்கிறேன். நான் பொதுமக்களுக்கு ஒரு ஊழியக்காரனாக இருக்கிறேன்.
    194 ஒரு பொதுச்சேவை என்பது, ஒரு போதகராகும்; பொதுமக்களுக்குச் சேவை செய்வது, அடிமட்டத்தில் இருப்பது, இந்த இடிபாடுகளையும் பொதுமக்களின் சலசலப் புகளையும் தாங்கிக் கொள்வது. அது எதுவாக இருந்தாலும், அங்கே நில்லுங்கள். புன்னகைத்து அதை ஏற்றுக்கொள்ளும் அளவுக்கு உங்களிடம் கிருபை இல்லையென்றால், நீங்கள் திரும்பி கல்வாரிக்குச் சென்று உங்கள் அழைப்பை மீண்டும் உறுதிப்படுத்திக்கொள்ள வேண்டும். நீங்கள் அதைத்தான் செய்ய வேண்டும்.
    195 இப்போது, ஆனால் கிறிஸ்து இங்கே இருந்தால், கிறிஸ்து பேசட்டும். எனக்கு இந்தப் பெண்ணைத் தெரியாது. தேவனுக்குத் தெரியும். எனக்கு இந்தப் பெண்ணைத் தெரியாது. அவளைப் பற்றி எனக்கு எதுவும் தெரியாது. ஆனால் நான் உண்மையைச் சொல்லியிருந்தால், இயேசு கிறிஸ்து தமது வார்த்தையின்படி நிற்க வேண்டும், ஏனென்றால் அதுவே சத்தியமாக இருக்கிறது. அது அதைச் சரியானதாக்குகிறதா? நாம் அனைவரும் அதை நம்புகிறோம். சரி.
    196 வேதாகமம் சரியானதா, அல்லது தவறானதா என்பதை நிரூபிக்கும் நேரம் இதுவாகும். இப்போது, இங்கேதான்... இது ஏதோ இருட்டு அறைகளுக்குள் நடப்பதல்ல. இது பிசாசு வேலை செய்யும் வெளியிலே நடப்பதுமல்ல. இது தேவனுடைய ஆலயத்திற்கு முன்பாக, அபிஷேகம் பண்ணப்பட்ட பரிசுத்தவான்களுக்கும், அவருடைய இரத்தத்தால் விலைக்கு வாங்கப்பட்ட தேவனுடைய பிள்ளைகளுக்கும் முன்பாக இங்கேயே நடக்கிறது. நாமிங்கே இருவரும் நிற்கிறோம், தேவனுக்கு முன்பாகவும், இந்தப் பரிசுத்தமான மேடைக்கு முன்பாகவும், இந்த வேதாகமத்திற்கு முன்பாகவும், பரிசுத்த ஆவியானவரின் பிரசன்னத்திலும். இப்போது என்ன நடக்கப் போகிறது? நான் உங்களைப் போலவே ஒரு மனிதன்தான். இப்போது, இது தெய்வீகமானதாக இருக்க வேண்டும், ஆவியானவர் செயல்பட வேண்டும், இல்லையென்றால் இது நடக்காது. ஆனால் அவர் இங்கே இருக்கிறார் என்று எனக்குத் தெரியும். அவர் வாக்குத்தத்தம் செய்திருக்கிறார். அவரால் வாக்குத்தத்தத்திலிருந்து பின்வாங்க முடியாது.
    197 இப்போது, ஆண்டவரே, இனிமேல் நீர் தேவனுடைய குமாரன் என்பதை மக்கள் காணும்படிக்கு, நீர் உம்மை வெளிப்படுத்த வேண்டும் என்று நான் ஜெபிக்கிறேன். புறஜாதியாராகிய எங்களுக்கு உமது வார்த்தையை நிறைவேற்றுவதற்காக உம்மால் இது அனுமதிக்கப்பட்டுள்ளது. யூதர்கள் தங்கள் நாட்களில் அதைக் கண்டார்கள். 
   சமாரியர்கள் தங்கள் நாட்களில் அதைக் கண்டார்கள். ஆனால் புறஜாதியார் அதைக் காணவில்லை, ஏனென்றால் அது அவர்களுக்கு மறைக்கப் பட்டிருந்தது. அவர்களுக்கு ஒரு நாள் வரும் என்று நீர் சொன்னீர். இப்போது இது புறஜாதியாரின் காலமாகும், நீர் அதை அவர்களுக்குக் காண்பிக்கிறீர். பேதுரு யார் என்று அவனிடம் சொன்னதன் மூலமும், நாத்தான்வேல் எங்கே இருந்தான் என்று அவனிடம் சொன்னதன் மூலமும் யூதர்களுக்கு நீர் உம்மை மேசியாவாக வெளிப் படுத்தியிருந்தால்; 
   சமாரியப் பெண்ணுக்கு இருந்த பிரச்சனையை அவளிடம் சொன்னதன் மூலம் சமாரியர்களுக்கு நீர் உம்மை வெளிப் படுத்தியிருந்தால்; ஒரு சபையில் இணைவதன் மூலம் மட்டுமே நீர் புறஜாதியாரைக் கடந்து செல்ல முடியாது. அவர்கள் இயற்கைக்கு அப்பாற்பட்டதைப் பெற்றுக்கொள்ள வேண்டும், ஏனென்றால் நீர் நேற்றும், இன்றும், என்றென்றைக்கும் மாறாதவராக இருக்கிறீர், மேலும் நீர் உம்மை அப்படியே வெளிப்படுத்துகிறீர். 
   உமது வார்த்தையை நிறைவேற்ற, இது அப்படியே நடக்க வேண்டும் என்று அருளுங்கள், ஆண்டவரே. கர்த்தராகிய இயேசு கிறிஸ்துவின் நாமத்தில் நான் இதைக் கேட்கிறேன்.
    198 மேலும், பிதாவே, நீர் மக்களைப் பாதுகாக்க வேண்டும் என்று நான் ஜெபிக்கிறேன். ஏனென்றால், இந்த வியாதியஸ்தர்கள் மீது தீய ஆவிகள் இருந்தால், அவை விமர்சகர்கள் மீதோ அல்லது வேறு யார் மீதோ செல்லும் என்பதை நாங்கள் உணர்கிறோம். ஆகவே எங்களை பாதுகாத்து, எங்கள் அனைவருக்கும் இரக்கம் காட்டும்படி நான் உம்மைக் கேட்டுக்கொள்கிறேன். கிறிஸ்துவின் நாமத்தில் நாங்கள் கேட்கிறோம். ஆமென்.
    199 நீங்கள் பதிலளிக்க வேண்டும் என்று மட்டும் நான் விரும்புகிறேன். முதலாவது, நமது ஆண்டவர் கிணற்றருகே இருந்த பெண்ணிடம் பேசியதுபோல, நான் உங்களிடம் பேச விரும்புகிறேன்.
    200 இப்போது நீங்கள் சொல்கிறீர்கள், "நீங்கள் ஏன் அப்படிச் செய்கிறீர்கள், சகோதரர் பிரன்ஹாம்?" உங்கள் ஆவியைப் பிடிப்பதற்காக. 
   அவர் செய்ததுபோலவே, "எனக்குக் குடிக்கத்தா" என்று சொன்னார்.
    201 அவள் வந்தாள், தண்ணீர் மொண்டுகொண்டிருந்தாள், தண்ணீர் கொடுக்கப் போனாள். ஆனால் அவள் சொன்னாள், "சமாரியர்களிடம் இது போன்ற காரியங்களைக் கேட்பது யூதர்களாகிய உங்களுக்கு வழக்கம் இல்லையே."
    202 அவர் அவளிடம் பேசத் தொடங்கினார், "ஆனால் நீ யாரிடம் பேசிக்கொண்டிருக்கிறாய் என்பது உனக்குத் தெரிந்திருந்தால்."
    203 இப்போது, இதன் அடிப்படையில், நாம் அந்நியர்கள், முதல் முறையாகச் சந்திக்கிறோம். அப்படியானால், நீங்கள் ஏதோ ஒரு நோக்கத்திற்காக இங்கே வந்திருக்கிறீர்கள். அது என்னவென்று எனக்குத் தெரியாது. ஆனால் நீங்கள் எதற்காக இங்கே வந்திருக்கிறீர்கள் என்பதையோ, அல்லது நீங்கள் செய்த ஏதோவொன்றையோ, நீங்கள் செய்ய நினைக்கும் ஏதோவொன்றையோ தேவனாகிய கர்த்தர் எனக்கு வெளிப்படுத்தினால். 
   நீங்கள் என்னவாக இருந்தீர்கள் என்பதை அவரால் உங்களுக்குச் சொல்ல முடியும் என்றால், நிச்சயமாக நீங்கள் என்னவாக இருப்பீர்கள் என்பதை அவர் அறிந்திருப்பார். அது உண்மையா இல்லையா என்பதை நீங்கள் அறிந்துகொள்வீர்கள். அது உண்மையா என்பதை நீங்கள் அறிவீர்கள், ஏனென்றால் வாழ்க்கையின் அந்தப் பகுதியை வாழ்ந்தவர் நீங்கள்தான். 
   நல்லது, நீங்கள் என்னவாக இருந்தீர்கள் என்பதை அவரால் உங்களுக்குச் சொல்ல முடியுமானால், நீங்கள் என்னவாக இருப்பீர்கள் என்பதையும் அவரால் உங்களுக்குச் சொல்ல முடியும், அதைச் செய்வதைப் பற்றி நீங்கள் நிச்சயமாக மகிழ்ச்சியடைவீர்கள், அல்லவா? நிச்சயமாக அப்படித்தான். ஆகவே அதுதான் இதன் ரகசியமாகும். காண்கிறீர்களா? அதுதான் இதன் வல்லமையாகும். அவர் வாக்குத்தத்தம் செய்தபடியே, தன்னை வெளிப்படுத்திக் கொள்வது பரிசுத்த ஆவியானவராகும்.
    204 இப்போது, நீங்கள் ஒரு பெண், நான் ஒரு ஆண். நாம் இங்கே நின்று கொண்டிருக்கிறோம். உங்களுக்கு ஒரு ஆவி இருக்கிறது, இல்லையென்றால் நீங்கள் அங்கே நிற்க முடியாது. எனக்கு ஆவி இருக்கிறது; இல்லையென்றால் நான் இங்கே நிற்க முடியாது. நீங்கள் ஒரு கிறிஸ்தவள் என்பதை நான் உணர்கிறேன். ஏனென்றால், உங்கள் ஆவி இங்கே பிடிபட்டவுடன், அது வரவேற்கப் படுகிறது. நமக்கு மேலாக இருக்கும் பரிசுத்த ஆவியானவர், உங்களைத் தமது பிள்ளை என்று அங்கீகரிக்கிறார். இப்போது, இந்தப் பெண் கிறிஸ்தவளா, அல்லது பாவியா, அல்லது தூஷிக்கிறவளா, அல்லது என்ன என்று எனக்கு எதுவும் தெரியாது, ஆனால் அந்த ஆவி!
    205 மேலும் இப்போது சபை... அவர்கள் வாஷிங்டன், டிசி மற்றும் எல்லா இடங்களிலும் வைத்திருக்கும் அந்த கர்த்தருடைய தூதரின் படத்தையுடைய அந்தப் புகைப்படத்தை உங்களில் எத்தனை பேர் பார்த்திருக்கிறீர்கள்? காண்கிறீர்களா? இதோ அது இருக்கிறது, எனக்கும் அந்தப் பெண்ணுக்கும் இடையே சரியாக இங்கே இருக்கிறது.
    206 இப்போது, உங்களால் ஒப்புக்கொள்ள முடியும், அல்லது ஏதோவொன்று உங்களுக்கு அருகில் இருப்பதை நீங்கள் அறிவீர்கள், ஒரு உண்மையான இனிமையான உணர்வு. அது சரிதான். மக்கள் அதை அறிந்துகொள்ளும் வகையில், உங்கள் கையை உயர்த்துங்கள், அவர்கள் பார்ப்பார்கள். அது ஒரு உண்மையான இனிமையான உணர்வு. நான் அந்த வெளிச்சத்தை நேராகப் பார்த்துக் கொண்டி ருக்கிறேன். அது எனக்கும் இந்தப் பெண்ணுக்கும் இடையே நேராக நகர்ந்து கொண்டிருக்கிறது.
    207 இப்போது, அந்த அக்கினிஸ்தம்பம் இஸ்ரவேல் மக்களை வனாந்திரத்தில் பின் தொடர்ந்தது. எரியும் முட்செடியில் மோசேயிடம் பேசியது அதுவே. அது இயேசு என்ற மனித உருவத்தில் பிரதிநிதித்துவப்படுத்தப்பட்டபோது, "ஆபிரகாம் உண்டாவதற்கு முன்னமே நான் இருக்கிறேன் (I AM)" என்று அவர் சொன்னார். எரியும் முட்செடியில் இருந்தவர் அந்த I AM ஆவார்.
    208 மேலும் I AM இயேசுவில் இருந்தபோது செய்த அதே கிரியைகளை, கடைசி நாட்களிலும் வந்து அவர் மீண்டும் செய்வார் என்று வாக்குத்தத்தம் செய்தார். இதோ அது, அதே அக்கினிஸ்தம்பம். விஞ்ஞானிகளுக்கு அது தெரியும். உலகத்திற்கு அது தெரியும். சபைக்கு அது தெரியும். நமக்கு அது தெரியும். இதோ அது இருக்கிறது. இது செயல்படுமா? இது அதே காரியம்தானா? நிச்சயமாக. இது அதே காரியம்தான்.
    209 இந்தப் பெண்ணுக்கு இரத்த சம்பந்தமான ஏதோ வியாதி இருக்கிறது. அந்த இரத்தத்தை நான் காண்கிறேன், அது மெலிதாக அல்லது வெண்மையாக இருக்கிறது. ஓ, அது நீரிழிவு நோய். அவளுக்குச் சர்க்கரை நோய் இருக்கிறது. அது சரிதான். எனக்கு இந்தப் பெண்ணைத் தெரியாது. அவளே சாட்சியாக இருக்கட்டும். சர்க்கரை நோய் இருப்பதாக ஒரு சோதனை காட்டியது. [சகோதரி, "அது சரிதான்" என்கிறார்] அதுதான் உங்களுக்குப் பிரச்சனை. ["அது சரிதான்."] அது உண்மைதான்.
   இப்போது நீங்கள் சொல்வீர்கள், "நீங்கள் அதை ஊகித்தீர்கள், சகோதரர் பிரன்ஹாம்."
    210 அது ஊகித்ததா என்று நாம் பார்ப்போம். அதுதவிர, அவள் பயங்கரமான நரம்புத் தளர்ச்சியால் அவதிப்படுகிறாள். அது சரிதான். உங்கள் கால்களிலும் ஏதோ பிரச்சனை இருக்கிறது. இது கர்த்தர் உரைக்கிறதாவது (THUS SAITH THE LORD) என்பதாகும். இது ஊகிக்கவில்லை, இல்லையா? [சகோதரி, "இல்லை, ஐயா" என்கிறார்] நீங்கள் இங்கிருந்து வந்தவர் அல்ல. நீங்கள் தெற்கிலிருந்து வந்தவர். நீங்கள் டெக்சாஸிலிருந்து வந்தவர். உங்கள் பெயர் திருமதி. கிறிஸ்டியன் (Mrs. Christian). திரும்பிப் போங்கள்; நீங்கள் குணமடைந்து விட்டீர்கள்....?...
    211 இப்போது, இது ஊகிக்கவில்லை, இல்லையா, நண்பரே? இது கர்த்தருடைய ஆவியானவர். "உன்னால் நம்ப முடியுமானால்."
    212 ஒரு நிமிடம். காண்கிறீர்களா? காண்கிறீர்களா? [சகோதரி களிகூருகிறார்] அவள் இப்போது களிகூர்ந்து, ஆவியிலே ஒரு அற்புதமான நேரத்தைக் கழித்துக் கொண்டிருக்கிறாள். காண்கிறீர்களா? அவளுக்கு ஏதோ நடந்துவிட்டது. அந்தப் பெண்ணை விட்டுச் சாபம் விலகிவிட்டது. நீங்கள் அப்படி அவதிப்பட்டிருந்தால், ஒருவேளை நீங்களும் அதேபோலவே உணர்வீர்கள்.
    213 சரி, அம்மா. இப்போது, கர்த்தராகிய இயேசு நேற்றும், இன்றும், என்றென்றைக்கும் மாறாதவர் என்பதை நீங்கள் நம்புகிறீர்களா? [சகோதரி, "நான் நம்புகிறேன்" என்கிறார்] கர்த்தராகிய இயேசு என் மூலமாகப் பேசி உங்கள் பிரச்சனை என்னவென்று எனக்குச் சொன்னால், அது உண்மையா இல்லையா என்பதை நீங்கள் அறிவீர்கள். 
   நீங்கள் உங்களுக்காக இங்கே வரவில்லை. நீங்கள் வேறு ஒருவருக்காக, உங்கள் மகனுக்காக இங்கே வந்திருக்கிறீர்கள். அந்த மகனுக்கு நுரையீரல் பிரச்சனையும், குடல் சம்பந்தமான பிரச்சனையும் இருக்கிறது. இப்போது, நீங்கள் கண்ணீரைத் துடைத்த அந்தக் கைக்குட்டையை, அவன் மீது வையுங்கள். சந்தேகப்பட வேண்டாம். அவன் குணமடைவான். சந்தேகப்பட வேண்டாம். தேவன் உங்களை ஆசீர்வதிப்பாராக, சகோதரி.
    214 எப்படி இருக்கிறீர்கள், அம்மா? இப்போது, இங்கே நிற்கும் இந்தப் பெண் மரண நிழலில் இருக்கிறாள். கர்த்தர் உங்களைக் குணமாக்குவார் என்று நம்புகிறீர்களா? தேவன் புற்றுநோயைக் குணமாக்குகிறார். அது உங்களுக்குத் தெரியும். மார்பகப் புற்றுநோய். அது சரிதான். ஆனால் நீங்கள் உங்கள் குணமாக்கப்படுதலை ஏற்றுக்கொள்கிறீர்கள். நீங்கள் திருமதி. உட்வார்ட் (Mrs. Woodward). திரும்பிச் செல்லுங்கள், உங்கள் முழு இருதயத்தோடு நம்புங்கள், அது உங்களை விட்டு விலகிப்போகும். நீங்கள் இப்போது இருப்பதைப்போலவே தொடர்ந்து நம்பினால், நீங்கள் அதனால் மரிக்க மாட்டீர்கள். தேவன் உங்களை ஆசீர்வதிப்பாராக. உங்கள் வழியே சென்று களிகூருங்கள். விசுவாசம் வையுங்கள்.
    215 இப்போது, இன்று காலை என்னிடம் பேசி, நீங்கள் இதற்கு முன்பு ஒரு கூட்டத்தில் குணமடைந்ததாகச் சொன்ன பெண் இவர்தான் என்று நான் நம்புகிறேன். சரி. [சகோதரி, "ஏழு ஆண்டுகளுக்கு முன்பு...?..." என்கிறார்] ஏழு ஆண்டுகளுக்கு முன்பு. சரி.
    216 அங்கே மின்விசிறியிலிருந்து சற்று விலகி வாருங்கள், முடியுமானால், அப்போது நீங்கள் நான் சொல்வதை இன்னும் கொஞ்சம் நன்றாகக் கேட்க முடியும். இந்த வழியே நகர்ந்து வாருங்கள், இன்னும் கொஞ்சம் அருகில்.
    217 பிறகு, எனக்குத் தெரிந்தவரை, இன்று காலை உங்களைப் பார்த்து "எப்படி இருக்கிறீர்கள்" என்று கேட்டதைத் தவிர நாம் ஒருவருக்கொருவர் அந்நியர்கள். நான் உங்களிடம் சொன்னேன், வெளிப்படுத் துதலுக்காக நீங்கள் எதையாவது விரும்பினால், இன்றிரவு வரை காத்திருப்பது நல்லது என்று, அப்போது நாம் அறைக்குள் ஒன்றாகச் சேர்ந்து, நமக்கு உதவக்கூடிய ஏதேனும் ஒன்றைப் பரிசுத்த ஆவியானவர் வெளிப்படுத்த அனுமதிக்க முடியும் என்று.
    218 இப்போது, நீங்கள் மிகவும் வியாதியாக இருக்கிறீர்கள், ஏனென்றால் உங்களால் அங்கே நிற்கவே முடியவில்லை. மேலும் நீங்கள்-நீங்கள் நம்ப விரும்புகிறீர்கள். நீங்கள் நம்ப முயற்சிக்கிறீர்கள். நீங்களும் ஒரு காலத்தில் மரண நிழலில் இருந்தீர்கள். பல ஆண்டுகளுக்கு முன்பு உங்களுக்கு இருந்த காசநோய் அல்லது அது போன்ற ஏதோவொன்று. இப்போது உங்கள் தொண்டையில் பிரச்சனை இருக்கிறது. ["ஆம்."] அது புற்றுநோயாக இருக்குமோ என்று நீங்கள் பயப்படுகிறீர்கள். அதுதான் அதுவாக இருக்குமோ என்று நீங்கள் பயப்படுகிறீர்கள். அது உண்மையா என்று நீங்கள் ஆச்சரியப் படுகிறீர்கள். மேலும் நீங்கள் மறு-... நீங்கள் ஜெபத்தை விரும்புகிறீர்கள். உங்கள் வீட்டில் இருக்கும் எவருக்காகவோ அல்லது எதற்காகவோ நீங்கள் ஜெபிக்கிறீர்கள். அது சரிதான். நீங்கள் ஒஹையோவைச் சேர்ந்தவர், திருமதி. மெக்காரோல் (Mrs. McCarroll).
    219 ஓ தேவனாகிய கர்த்தாவே, வானங்களையும் பூமியையும் சிருஷ்டித்தவரே, இந்தப் பிள்ளையிடமிருந்து பயத்தை அகற்றிவிடும். பல ஆண்டுகளுக்கு முன்பு அந்த மரண நிழலிலிருந்து நீர் அவளுடைய உயிரைக் காப்பாற்றி, அது விலகிச் செல்வதைக் கண்டிருந்தால், இன்றிரவும் அதுபோலவே நடக்க முடியும். இந்தப் பிசாசை நான் கண்டிக்கிறேன்; இயேசு கிறிஸ்துவின் நாமத்தில், இந்தப் பெண்ணை விட்டு விலகிப்போ. அவள் திரும்பிச் சென்று சுகமாகி, வரவிருக்கும் கூட்டங்களில் இந்தக் குணமாக்கப்படுதல் குறித்த சாட்சியைச் சொல்ல வருவாளாக. இயேசு கிறிஸ்துவின் நாமத்தில். ஆமென்.
    220 சற்றும் சந்தேகப்பட வேண்டாம். வீட்டிற்குச் சென்று, குணமடையுங்கள். [சகோதரி, "நான் நன்றாக ஆகிவிடுவேன் என்று நீங்கள் நினைக்கிறீர்களா, சகோதரர் பிரன்ஹாம்?" என்கிறார்] நிச்சயமாக. நீங்கள் நலமாக இருக்கிறீர்கள் என்று நான் நம்புகிறேன். அப்படியே களிகூர்ந்து வெளியே நடந்து சென்று, "நன்றி, இயேசுவே" என்று சொல்லுங்கள்.
    "உன்னால் நம்ப முடியுமானால், எல்லாம் கூடும்."
    221 நீங்கள் நம்புகிறீர்களா, ஐயா? நான் அவருடைய தீர்க்கதரிசி என்று நீங்கள் நம்புகிறீர்களா? [சகோதரர், "நான் நம்புகிறேன்" என்கிறார்] அப்படி இல்லை... அவருடைய ஊழியக்காரன் என்று, காண்கிறீர்களா, நாம் அதை அப்படிச் சொல்வோம். நாம் ஒருவருக்கொருவர் அந்நியர்கள். எனக்கு-எனக்கு உங்களைத் தெரியாது, உங்களுக்கு என்னைத் தெரியாது. 
   இப்போது எங்கோ ஏதோ நடந்துள்ளது, சபைக்குள் ஏதோ நடந்துள்ளது. இல்லை, அது அங்கல்ல. இது மீண்டும் நடக்கிறது. நீங்கள் ஒருவருக்காக ஜெபிக்கிறீர்கள், அது ஒரு குழந்தை. அது சரிதான். சரி. அது ஒரு குழந்தைதான். சபைக்குள் இருக்கும் ஒரு குழந்தை என்று நான் நினைத்தேன், ஆனால் அது உங்களுடைய குழந்தை. ஓ, அதற்குப் பல பிரச்சனைகள் இருக்கின்றன. 
   குடலிறக்க அறுவை சிகிச்சைக்காக, மற்றும் பல காரியங்களுக்காக காத்திருக்கிறது. நீங்கள் இல்லினாய்ஸிலிருந்து வந்தவர். திரும்பிப் போங்கள், விசுவாசம் வையுங்கள். உங்கள் குழந்தை நலமடையும். தேவன் உங்களை ஆசீர்வதிப்பாராக. வாருங்கள். கர்த்தர் உங்களை ஆசீர்வதிப்பாராக.
   நீர் நம்புகிறீரா? தேவன் மீது விசுவாசம் வையுங்கள். சந்தேகப்பட வேண்டாம்.
    222 மூளையில் இங்கே அமர்ந்திருக்கும் இந்த மனிதரை எனக்குத் தெரியும். அவர் பெயர் எனக்குத் தெரியாது, ஆனால் அவர் இங்கு வந்திருக்கிறார் என்பது எனக்குத் தெரியும். அவர் அடிக்கடி இங்கே வருகிறார். அவர் மிச்சிகனைச் சேர்ந்தவர். ஆனால் அவர் அங்கே அமர்ந்து, ஜெபித்துக்கொண்டிருக்கிறார். இப்போது வரை அவருக்கு என்ன பிரச்சனை என்று எனக்குத் தெரியாது, ஆனால் இப்போது எனக்குத் தெரியும். அதனால் நான் அவரிடம் சொல்லப் போகிறேன், ஏனென்றால் அது அவருக்கு உதவும் என்று நான் நம்புகிறேன். உங்கள் முதுகுப் பிரச்சனை உங்களை விட்டு விலகிவிட்டது...?... விசுவாசம் வையுங்கள்.
    223 ஐயா, உங்கள் முழு இருதயத்தோடும் நீங்கள் நம்புகிறீர்களா? இது இரத்தப் பிரச்சனை, நீரிழிவு நோய். நீங்களும் இங்கிருந்து வந்தவர் அல்ல. நீங்கள் ஜார்ஜியாவிலிருந்து வந்தவர். நீங்கள் திரு. ஜான்சன். திரும்பிப் போங்கள், உங்கள் முழு இருதயத்தோடும் நம்புங்கள். அது உங்களை விட்டு விலகும்.
    224 இப்போது, ஓ, எனக்கு உங்களைத் தெரியாது, நான் அப்படி நினைக்கவில்லை. ஆனால் திருமதி. ஷாரர் இங்கே தோன்றுவதை நான் கண்டேன். திருமதி. ஷாரர் கட்டடத்தில் இருக்கிறாரா? ஓ, இந்தப் பெண்ணுக்கு இருக்கும் அதே பிரச்சனைக்காக அவளும் ஜெபித்துக் கொண்டிருக்கிறாள். உங்களுக்கு வயிற்றுப் பிரச்சனை இருக்கிறது, மேலும் உங்களுக்கு வயிற்றுப் பிரச்சனை இருக்கிறது. அது சரிதான். அந்தப் பிசாசு உங்கள் இருவரையும் பிடிக்க முயற்சிக்கிறதா. நீங்கள் குணமடைந்துவிட்டீர்கள். சென்று நலமாக இருங்கள்...?...
    225 நீங்கள் அதை நம்பவில்லை, இல்லையா? தேவன் அந்தச் சிறுவனைக் குணமாக்குவார், அவனை நலமாக்குவார் என்று நீங்கள் நம்புகிறீர்களா? அது காசநோயாக இருக்குமோ என்று பயப்படுகிறீர்கள். ஆனால் தேவன் அதைச் சரிசெய்வார் என்று நீங்கள் நம்புகிறீர்களா? கவலைப்படாதீர்கள், சகோதரி ஃபங்க், எல்லாம் சரியாகிவிடும். தேவன் உங்களை ஆசீர்வதிப்பாராக.
    226 வேறு யாரிடம் ஜெப அட்டைகள் உள்ளன? பாருங்கள், இன்னும் ஒன்று அல்லது இரண்டு பேரிடம் இருக்கலாம் என்று நினைக்கிறேன்.
    227 அவர் உங்கள் தாயாரா? அப்போது அவள் உங்களுக்கு அருகில் நிற்பதை நான் பார்த்தேன். அவளுக்குத் தொண்டைக் கழலை இருக்கிறது, அதற்காக அவள் ஜெபிக்கப்பட வேண்டும் என்று விரும்புகிறாள்.
    228 "உன்னால் நம்ப முடியுமானால், எல்லாம் கூடும்." தேவன் மீது விசுவாசம் வையுங்கள். உங்களில் எவராக இருந்தாலும் சரி, நோக்கிப்பார்த்துப் பிழையுங்கள். நீங்கள் அதை நம்புகிறீர்களா? ஏன், கிறிஸ்து இங்கே இருக்கிறார்.
    229 சகோதரி, இப்போது வித்தியாசமாக உணர்கிறீர்கள், இல்லையா? இப்போது நீங்கள் வீட்டிற்குச் சென்று நலமாக இருங்கள். வெறும்... [சகோதரி, "நான் நலமாகிவிடுவேன் என்று நீங்கள் நம்புகிறீர்களா?" என்கிறார்] ஏன், நிச்சயமாக. கண்டிப்பாக. கண்டிப்பாக. நீங்கள் நலமாக இருக்கிறீர்கள் என்று நான் நம்புகிறேன். 
   நிச்சயமாக. ஆமென். வெறும், பாருங்கள், உங்களைச் சுற்றி அந்தச் சிக்கல் சுற்றியிருக்கிறது, நீங்கள் காண்கிறீர்கள், ஆனால் அதனுடைய வல்லமை சில நிமிடங்களுக்கு முன்புதான் உடைக்கப்பட்டது. தொடர்ந்து நம்புங்கள். நேராக முன்னேறிச் செல்லுங்கள். முன்னேறிச் செல்லுங்கள், பேசுங்கள், "அவருடைய தழும்புகளால் நான் குணமானேன்." அதற்காக நேராக நில்லுங்கள், 
   நீங்கள் முன்னேறிச் சென்று, நலமாக இருப்பீர்கள். எல்லாம் சரியாகிவிடும். நீங்கள் இங்கே மேடையில் இருந்தபோது இருட்டாக இருந்த இடத்தில், இப்போது உங்களைச் சுற்றிலும் வெளிச்சமாகத் தெரிகிறது. நீங்கள் நலமாக இருக்கிறீர்கள். நீங்கள் தொடர்ந்து முன்னேறிச் சென்றால், இப்போது அந்த ஆசீர்வாதம் உங்கள் மீது இருக்கிறது.
    230 கர்த்தருடைய நாமத்திற்கு ஸ்தோத்திரம் உண்டாவதாக. உங்கள் முழு இருதயத்தோடும் நீங்கள் நம்புகிறீர்களா? பரிசுத்த ஆவியானவர் மிகவும் சிறப்பான ஏதோ ஒன்றைச் செய்ய விரும்புவதாக நான் உணர்கிறேன். ஆமென்.
    231 அங்கே, அம்மா, அழுவதை நிறுத்துங்கள். நியூ அல்பானி மருத்துவமனையில் காசநோயால் அனுமதிக்கப்பட்டுள்ள ஒரு நண்பருக்காக நீங்கள் ஜெபிக்கிறீர்கள். ஊ-ஹூம்.
   அவர் இங்கே இருக்கிறார் என்று நீங்கள் நம்புகிறீர்களா? 
   நல்லது, இப்போது நாம் ஒரு கணம் நம்முடைய தலைகளைத் தாழ்த்துவோம்.
    232 தேவனுடைய பரிசுத்த ஆவியானவரே, உமது பிரசன்னத்தினால் அபிஷேகம் பண்ணப் பட்டு என் மாம்சம் நடுங்கிக் கொண்டிருக்கும் போது; என்னுடையது மட்டுமல்ல, இங்குள்ள மற்றவர்களுடையதும்; உமது உயிர்த்தெழுதலின் வல்லமை இப்போது நம் மத்தியில் வாழ்கிறது. 
   சீனாய் மலையை அதிரச் செய்த ஜீவனுள்ள தேவனுக்கு முன்பாக நாங்கள் நிற்கிறோம் என்பதை நாங்கள் அறிவோம். அதுமட்டுமல்ல, மரித்தோரிலிருந்து இயேசுவை எழுப்பியவரும், இன்றிரவு இந்தச் சிறிய சபையில் நின்று கொண்டிருப்பவருமானவருடைய வருகையின் போது அது பூமியை அதிரச் செய்யும். ஆண்டவரே, நீர் வருவதற்கேற்ற தகுதியான ஒரு இடத்தை எங்களால் கட்ட முடியாது. 
   ஆனால், உமது தாழ்மையில், நீர் மிகவும் எளிமையா னவர்களிடம் வருகிறீர். அதற்காக நாங்கள் மிகவும் நன்றியுள்ளவர்களாக இருக்கிறோம். நீர் எங்களைச் சந்தித்திருக்கிறீர். நீர் நம் மத்தியில் உம்மை நிரூபித்திருக்கிறீர்.
    233 உமது வார்த்தையை நாங்கள் நம்புகிறோம். ஆண்டவரே, உமது ஊழியக் காரனாக நான் அதைப் பேசியிருக்கிறேன். செய்தி நமக்குக் கட்டளையிட்டபடியே, இப்போது நாங்கள் முன்னேறிச் செல்வோமாக. அவருடைய உயிர்த்தெழுதலின் வல்லமையில் நாங்கள் முன்னேறிச் செல்வோமாக. பெலவீனமான நபர் ஒருவரும் இருக்கக்கூடாது; 
   பரிசுத்த ஆவியானவர் இப்போது இந்தக் கட்டடத்தை முழுமையாகத் தன் கட்டுப் பாட்டிற்குள் கொண்டுவந்து இங்கே இருக்கிற ஒவ்வொரு நபரையும் குணமாக்குவாராக. நம் மத்தியில் எந்த வியாதியும் எஞ்சியிருக்கக் கூடாது. மக்கள் மத்தியில் ஒரு சந்தேகமும் இருக்கக்கூடாது. மக்கள் மத்தியில் இப்போது அப்படிப்பட்ட ஒரு அதிர்வு ஏற்பட வேண்டும், அதனால் எல்லாமே நன்றாக இருக்கிறது என்று அவர்கள் உணர வேண்டும். அதை அருளுங்கள், ஆண்டவரே.
    234 நாம் நம்முடைய தலைகளைத் தாழ்த்தியிருக்கும்போது, உங்களுக்கு அருகில் அமர்ந்திருக்கும் நபர் மீது உங்கள் கைகளை வைக்க வேண்டும் என்று நான் விரும்புகிறேன். அவர்கள் மீது உங்கள் கைகளை மட்டும் வையுங்கள். உள்ளேயோ அல்லது வெளியே யோ, நீங்கள் எங்கிருந்தாலும் பரவாயில்லை, ஒருவரையொருவர் தொடும்படி உங்கள் கைகளை வையுங்கள். 
   உங்களுக்கு என்ன தேவை இருக்கிறது என்பதைப் பற்றி எனக்குக் கவலையில்லை. அது ஒரு பொருட்டே அல்ல. அந்த நபர் எங்கிருக்கிறார் என்பது எனக்குக் கவலை யில்லை, கடல்களுக்கு அப்பால், பெருங்கடலுக்கு அப்பால்கூட இருக்கலாம். 
   அது எங்கிருந்தாலும் பரவாயில்லை, தேவன் எல்லா இடங்களையும் வியாபித் திருக்கிறார், எல்லா காலங்களையும் நிரப்புகிறார். அவர் சர்வ வல்லமையுள்ளவர். அவர் எங்கும் நிறைந்தி ருக்கிறார். அவர்-அவர் முடிவற்றவர். அவர் இப்போது இங்கே இருக்கிறார். அவர் உங்கள் ஜெபத்தைக் கேட்கிறார்.
    235 வேதாகமம் கூறுகிறது, "விசுவாசிக்கிற வர்களால் நடக்கும் அடையாளங்களாவன." மேலும் நீங்கள் ஒவ்வொருவரும் ஒரு விசுவாசியாக இருக்கிறீர்கள். "வியாதிஸ்தர் கள்மேல் கைகளை வைப்பார்கள், அப்பொழுது அவர்கள் சொஸ்தமாவார்கள்."
    236 நீங்கள் ஒருவரையொருவர் தொட்டுக் கொண்டு கைகளை வைத்திருக்கிறீர்கள். இங்கே ஒரு குழுவாக நீங்கள் இணைக்கப் பட்டிருக்கிறீர்கள். இப்போது நீங்கள் ஒருவருக்கொருவர் ஜெபிக்க வேண்டும் என்று நான் விரும்புகிறேன். உங்கள் சொந்த வழியில் ஜெபியுங்கள். நீங்கள் ஒவ்வொருவரும் ஜெபிக்கத் தொடங்குங்கள். அடுத்த நபருக்காக ஜெபியுங்கள், "ஆண்டவரே, நான் யார் மீது என் கைகளை வைத்திருக்கிறேனோ அந்த நபரை குணமாக்கும்" என்று சொல்லுங்கள்.
    237 கர்த்தராகிய இயேசுவே, அவர்கள் ஜெபிக்கும்போது, அது ஒரு ஊழியக்காரன் மட்டுமல்ல என்பதை அவர்கள் அறிந்து கொள்ளும்படியாக, ஆண்டவரே, அவர் களுடைய ஜெபங்களைக் கேளும். அவர்கள் உமது ஊழியக்காரர்கள். நாங்கள் அனைவரும் ஒன்றாயிருக்கிறோம். 
   ஆண்டவரே, நாங்கள் உம்மை நேசிக்கிறோம். எங்களின் வெவ்வேறு கட்டங்கள், எங்களின் வெவ்வேறு விசுவாசப் பிரமாணங்கள், எங்களின் பிரிவுகள் எங்களை ஒருபோதும் ஜீவனுள்ள தேவனிடமிருந்து பிரிப்பதில்லை. நாங்கள் இப்போது அவருடைய பிரசன்னத்தில் இருக்கிறோம். 
   நீர் இங்கே இருப்பதற்காக நாங்கள் நன்றியுள்ளவர்களாகவும் கடமைப்பட்டவர் களாகவும் இருக்கிறோம். உமது பிரசன்னத்திற்கு நாங்கள் தகுதியற்றவர்கள், ஆனால் எங்கள் ஜெபத்திற்கு நீர் பதிலளிக்க வேண்டும் என்று நாங்கள் ஜெபிக்கிறோம். 
   உமது வார்த்தையின்படியே நாங்கள் இதைச் செய்கிறோம். "விசுவாசிக்கிறவர்களால் நடக்கும் அடையாளங்களாவன. வியாதிஸ்தர்கள்மேல் கைகளை வைப்பார்கள், அப்பொழுது அவர்கள் சொஸ்தமாவார்கள்" என்று நீர் சொன்னீர். மேலும் அவர்கள் ஒருவரையொருவர் தொட்டுக்கொண்டு கைகளை வைக்கிறார்கள். 
   இருதயத்தின் ரகசியங்களை வெளிப் படுத்தக்கூடிய, வேதாகமத்தால் வாக்குத் தத்தம் செய்யப்பட்ட, உலகத்தின் முடிவு பரியந்தம் நம்முடன் இருப்பதாக வாக்குத்தத்தம் செய்த ஜீவனுள்ள, உயிர்த்தெழுந்த இயேசுவாகிய மாபெரும் பரிசுத்த ஆவியானவர், தாம் வாக்குத்தத்தம் செய்த அந்த வேலையை இப்போது செய்வாராக. 
   உமது கைகளில் இந்தக் கூட்டத்தை ஒப்புக்கொடுக்கும்போது, ஆண் டவரே, கர்த்தராகிய இயேசு கிறிஸ்துவின் நாமத்தில் நாங்கள் உம்மை நம்புகிறோம். ஆமென்.
    238 சர்வவல்லமையுள்ள தேவனுடைய எழுதப்பட்ட வார்த்தையின் அடிப்படை அதிகாரத்தின் மீதும், இங்கே பிரசன்னமாக இருந்து இருதயத்தின் ரகசியங்களை அறிந்து மக்களுக்கு அந்த ரகசியங்களை வெளிப்படுத்தும் பரிசுத்த ஆவியானவரின் சாட்சியின் மீதும்; தேவனுடைய வார்த்தையின் அடிப்படையான அவருடைய பிரசன்னத்தின் மீதும், இயேசு கிறிஸ்துவின் நாமத்தில், உங்கள் ஒவ்வொருவரையும் "குணமாக்கப்பட்டவர்கள்" என்று நான் அறிவிக்கிறேன். நீங்கள் இனி ஒருபோதும் வியாதிப்படாமல் இருப்பீர்களாக. தேவன் உங்களை ஆசீர்வதித்து பாதுகாப்பாராக.
     239 மிக விரைவில் உங்களை மீண்டும் சந்திப்பேன் என்று நம்புகிறேன். அதுவரை, ஆராதனை மீண்டும் போதகர் சகோதரர் ஜாக்சனிடம் ஒப்படைக்கப்படுகிறது. தேவன் உங்களை ஆசீர்வதிப்பாராக.
முறையிடுகிறது என்ன? சொல்! (59-1004E)          124